تازه سرليکونه
د (قرانکريم) نورې ليکنې
تازه سرليکونه
بېلابېلې ليکنې
ساينس پوهان د اسلام په اړه څه وايي؟
  تعلیم الاسلام ویب پاڼه
  October 6, 2019
  0

 

ليکنه: علي الله متوکل الرحمن / تعلیم الاسلام ویب پاڼه


د الله جل شانه کامل نظام ته ګوره، ساينس چي هرڅومره پرمختګ کوي، د قرآن حقانيت نور هم ښکاره کيږي. انسانانو د ساينس په مټ و لوړ لوري ته د فضا څار وکړ او تر اوسه فقط دولس کيلومتره (دولس زره متره) په ځمکه دننه ننوتل. له شرقه تر غربه لاړه، سمندرونو ته کښته سول او د خپل ټول عقل څخه ئې کار واخيست. خو بيا هم چي هرڅه کوي، هغه قرآن کي مومي.


راسئ، د غير مسلمانو نظرونه د قرآن او ساينس د اړيکي په اړه ولولو:


مشهور فرانسوی لامبوزن او څېړونکی کوسټود وايي: "هرچا، چي کوم علم موندلی دئ، د هغه علم په اړه خدای څوارلس پېړۍ وړاندي په قرآن کي يادونه کړې ده. زه هم شاهدي ورکوم، چي قرآن کريم د الله کتاب دئ." ( او په دې ويلو سره ئې اسلام قبول کړ).

 


 

د تيري پېړۍ نابغه البرټ انشټين په ساينس پوهانو کي د مذهبي ولولو څخه د را پيدا کېدونکي تجسس په اړه وايي: " زه په دعوه سره وايم، چي مذهبي ولولې او جذبات د ساينسي څېړنو له پاره ځواکمن او سپېڅلی محرک جوړېدای سي."
جرمنی فلکيات او رياضي پوه جونز کيپلر وايي: " زه په ساينسي څېړنو ځکه بوخت سوم، ترڅو د حقيقي خالق په صفتونو، اسرارو او رازونو خبر سم."


د تايلنډ د چيانګ مايي پوهنتون د اناټومي استاد تيجاتت تيجاسن وايي: " د تیرو درو لسیزو راهیسي زما لیوالتیا د قران سره زیاته سویده، د خپلو مطالعو له مخي دا ویلای سم، چي کوم څه څوارلس پېړۍ وړاندي قرآن کریم د کوم څه بیان کړی دئ هغه ټول حق دي او د قران هره خبره حق ده، پردې څوک سترګي نه سي پټولای"


دا خبري ئې وکړې او بيا ئې د کنفرانس پر ګډونوالو ږغ وکړ:" و دې کنفرانس ته تر کلمې ارزښتناک شی ما نه دئ راوړی." او په لوړ ږغ ئې لا اله الا الله محمد رسول الله وويل او مسلمان سو.


د مایکرو بیولوژي علم اختراع کوونکی لویس پاسټور وایي:
"په ساینس کي لږه پوهه به دي له الله جل شانه څخه لیري کړي، مګر په ساینس کي ډېره او ژوره پوهه دي و الله جل شانه ته ورنږدې کوي. "


برتانوی فيلسوف او رياضي پوه نيوټن وايي: په ساينس کي زما د ليوالتيا تر شا اصلي محرک د خدای د قدرت په اړه پوهه او زيات معلومات ترلاسه کول وه.


فرانسوی موسيو د جين کلافل وايي: "قرآن کريم يوازي د مذهبي قواعدو او احکامو مجموعه نه ده، بلکي په دې کي ټولنيز احکام هم سته چي د انساني ژوندانه له پاره هر وخت ګټور وي."


د امريکا د کلوارډو د سمندر پوهني استاد وليم هې وايي: " په قران کریم کي چي د سمندرونو په اړه کوم معلومات سته، هغه زما لپاره د ټولو نورو معلوماتو سرچینه سول او د قران کریم معلومات په دې هکله ډېر نوي او جالب دي."


کاشکي مسلمانان د کفارو له دسيسو خلاص وای، د قرانکریم ژوره مطالعه مو شروع کړې وای او له قرآن څخه مو ګټه اخيستې وای، نو اوس به اسلام او مسلمانان نور هم لوړ او روښانه وای. همدغه د وحیو یوازنی ډیوه لرو چي هم د کفارو د دسیسو خلاص سو او هم مخکنی مجد لاس ته راوړی.

ــــــــــــــــــــ

اسلام او ساینس

قراني علوم

قران او ساینس - د سانیس پوهانو په اند

 

 

سرته