څانګه: چاڼ شوي مضامين نيټه: December 5, 2015
       
د دوزخ اونفاق څخه خلاصون

رالېږونکی: ګل احمد فیضي

عن انس بن مالک رضي الله عنه قال قال رسو ل الله صلی الله عليه وسلم  من صلي لله اربعين يوما في جماعة يدرک التکبيرة الاولي کتب له براءتان برآءة من النار و براء ة من  النفاق. ( رواه الترمذي)

ژباړه : د انس بن مالک  رضي الله عنه  څخه روايت دئ، چي نبي عليه السلام فرمايلي دي: څوک چي څلوېښت ورځي په جماعت لمونځ وکړي، لومړى تکبير نه سي ځني تېر ده ته به الله جل جلاله  دوه خلاصونه ورکړي يو خلاصون به د اور څخه وي دوهم خلاصون به د نفاق څخه وي.

فايده: يعني کوم څوک چي په اخلاص سره څلوېښت ورځي لمونځونه په جماعت  سره وکړي چي په پيل کي د امام سره ګډون وکړي، يعني لومړى الله اکبر د امام سره ونيسي  دغه کس به نه دوزخ ته ځي او نه به د منافقانو  په ډله کي داخلېږي. منافق دې ته ويل کېږي  چي په ښکاره ځان مسلمان ښکاره کوي  خو په زړه  کي کفر  ساتي. د څلوېښتو ورځو ځانګړتيا دا ده چي په ډېرو ځايو کي  په څلويښتو  ورځو کي  بدلون  راځي لکه د ماشوم د پيدايښت  مخکي چي تر څلوېښتو ورځو پوري نطفه وي بيا وينه ګرځي په داغه ترتيب څلوېښت، څلوېښت ورځي وروسته  بدلون  پکښې راځي. همدا ډول د صوفيانو په آند هم څلويښت  ورځي خاص اهميت لري. هغه کسان څومره  نېک بخته دي چي په کلونو لومړى تکبير نه ځني پاته کېږي.

 

 
د همدې برخي نور توکي