تازه سرليکونه
د (فتوا طهارت) نورې ليکنې
تازه سرليکونه
بېلابېلې ليکنې
فتوا- که د غسل په اړه معلومات راکړئ
 
  March 28, 2012
  0

 سوال : خپل سلامونه وتاسو محترمو ته وړاندي کوم اوده ښه صحت خاوندان اوسی که مهربانی وه کړی ده غسل په باره کی څه معلومات راکړئ نو ډېره مهربانی به مو وي ؟


 د سوال کونکي نوم : احمدولی ولیزاده

جواب : په غسل کي يو ځلي د خولې ، پزي او ټول بدن پرېولل فرض دي  د غسل مسنون طريقه پدې ډول ده : 

اول استنجاء وهل کيږي ، د بدن يو ځاى که يې په مرداريو ککړ وو هغه به ومنځي ، د استنجاء وروسته به مکمل اودس تازه کړي يعني لاسونه به تر مړوندو درې ځلي پرېمنځي ، بيا به مسواک ووهي او خوله به درې ځلي پرېولي ، ورپسې به پزه بيا مخ بيا دواړه لاسونه تر څنګلو درې درې ځلي پرېمنځي ، بيا د سر ، غوږو ، غاړي مسح کيږي ، بيا دواړي پښې درې درې ځلي تر بجلکو پرېمنځل کيږي  د لاسو او پښو په پرېوللو کي د ګوتو خلال هم کيږي  د اوداسه وروسته درې ځلي پر سر اوبه اچول کيږي ، بيا پر راسته او چپه اوږه يعني پر پاته بدن درې ځلي اوبه اچول کيږي .

که چا غسل پداسي ځاى کي کاوه چي هلته اوبه ډم درېدلې هغه به په اوداسه کي پښې نه پرېولي بلکي څه مهال چي پر سر او ټول بدن اوبه تيري کړي د هغه ځاى څخه به ګوښه سي او  دواړي پښې به پرېمنځي .
 
ماخذ: تعليم الاسلام مجله، ۸ ګڼه- د دارالافتاء څانګه

سرته