تازه سرليکونه
ولي او فضولي
 
  April 13, 2012
  0

 ولي

ولي يا سرپرست هغه  چا ته وايي چي شرعاً د بل نائب او استازى ټاکل سوى وي .
وكَيْل او ولي دواړه د بل استازي او نائبان دي خو د دوى دوو تر منځ فرق دادى چي وكَيْل ته څوک خپل کار په خپل اختيار سپاري او ولي ته بيا د بل د کار سرپرستي شرعا حواله کيږي. ليونى او غير مُمَيِّز کوچنى هيڅ نوع تړون نسي کولاى ځکه چي د تړون اهليت او وړتيا نه لري .

فضولي
فضولي هغه چا ته وايي چي د بل چا د پاره تړون کوي خو د هغه لخوا نه وکالت ورکول سوى وي او نه يې شرعا ولي وي بلکي پر خپل سر د بل د پاره تړون کوي .
 
مثال : زيد پر خپل سر د خالد د پاره بکر ته مرکه وکړه ، بکر يې مرکه ومنله خپله نابالغه لور يې و خالد ته ورکړه خو د نکاح ايجاب او قبول يې د زيد سره د شاهدانو په حضور کي وکړى ، پدې تړون کي بکر ولي دى ځکه خپله نابالغه لور يې خالد ته په نکاح ورکړه او زيد بيا فضولي دى ځکه پر خپل سر يې د خالد د پاره د نکاح تړون وکړى .
 
ماخذ: فقه المبتدي، دریم ټوک- معاملات 
 

 

سرته