تازه سرليکونه
د (نکاح) نورې ليکنې
تازه سرليکونه
بېلابېلې ليکنې
د ولور استحقاق
 
  May 2, 2012
  0
که ښځي ته ولور ټاكل سوى وي او د خلوت يا واده ترمخه يې مېړه وفات سي ، نو ټاكل سوى ولور په پوره ډول د ښځي حق کيږي او بايد د ميراث څخه يې ورته وركول سي . همدا راز كه ښځه را واده سي هغه ټاكلى مقدار ولور پوره ورته وركول كيږي .

که ښځي ته ولور ټاكل سوى وي او د خلوت يا د واده ترمخه طلاق وركول سي هلته بيا د ټاكل سوي ولور نيمه برخه د ښځي استحقاق کيږي . 
 
د ښځي سره چي بېله ولور څخه نكاح وتړل سي او بيا يې مېړه د خلوت يا واده ترمخه وفات سي دا ښځه د پوره مهر مثل حق لري .

خو که و دغي ښځي ته تر خلوت يا واده ترمخه طلاق وركول سي بيا د ولور حق نه لري ، فقط يوه جوړه كالي وركول كيږي ، چي ودغو كالو ته د فقهي په اصطلاح كي متعه وايي .
 
که د ښځي په ولور کي پسونه یا نور حیوانان وټاکل  سي خو د حيوانانو صفات يې بيان نه کړل سي ، چي آيا چاغ به وي او که میانه يا ډنګر به وي دلته يې بیا مېړه اختیار لري ، که د همدغو حیوانانو میانه د ټاکل سوي شمېر په اندازه ورکوي او که یې قیمت ورکوي .
 
که د ښځي د پاره یو ټاکلی مبلغ ولور پدې شرط وټاکل سي چي بل وطن ته به یې په کډه نه بیايي ، یا به بله ښځه نه پر کوي ، که مېړه يې پر همدې شرط وفا وکړي نو مهر مسمی یعني هماغه ټاکل سوى ولور ورته ورکول کیږي او که مېړه يې په شرط وفا و نه کړله بیا مهر مثل ورته لازميږي .
 
ماخذ: فقه المبتدي، دوهم ټوک- نکاح
 
 

سرته