څانګه: شعرونه نيټه: May 23, 2012
       
مورکئ

رالېږونکی: عبید الله تنوير 


کله چي وکړي څوک دوعا ماته رایاده شي مور
چیرته چي ووینم ښکلا ماته را یاده شي مور

کله چي مور سره ماشوم په پالي پالي درومي
له خولې مي اوځي بسم الله ماته رایاده شي مور

لکه یتیم دېوال ته کینمه ډیر وژاړمه
پردې وطن کي یم تنها ماته رایاده شي مور

ها نصیحت هغه خبري په کتاب کي لولم
هغې وې کړي لا پخوا ماته رایاده شي مور

سید په شعر کي د مورکئ سره خواله وکړله
خکه خو شین شوم له ژړا ماته رایاده شي مور