تازه سرليکونه
د (احکام) نورې ليکنې
تازه سرليکونه
بېلابېلې ليکنې
د ۸۳ کالو څخه زیات عبادت په یوه شپه کي!
 
  June 24, 2016
  0

ددې اُمت د زيات  شمېر نارينه او ښځو عمرونه تر شپيتو او اويا کلونو پوري وي لکه څه ډول، چي نبي کريم صلی الله علیه وسلم فرمايلي دي:  عَنْ أَبِي هُرَيْرَةَ قَالَ   قَالَ رَسُولُ اللَّهِ صلی الله علیه وسلم أَعْمَارُ أُمَّتِي مَا بَيْنَ السِّتِّينَ إِلَى السَّبْعِينَ وَأَقَلُّهُمْ مَنْ يَجُوزُ ذَلِكَ (رواه الترمذي )

ژباړه: او په تجربه هم ثابته سوې ده چي ددې امت د ډېرو لږو  کسانو عمرونه تر اويا وو  زياتيږي، نو د همدا لږ عمر ابتدايي برخه په ماشوم توب کي تيرېږي او منځنۍ برخه يې د ځوانۍ د هوس په لمبو کي  د ډېرو څخه سوزي او ضائع کيږي اوپر وروستۍ برخه يې د بوډاتوب  د کمزوروالي  حالت راځي  په داسي حال کي، چي په مخکنيو امتونو کي انسانانو ډېر اوږده، اوږده عمرونه لرل خو د دې امت سره الله جل جلاله دومره احسان کړى دئ چي په هرکال کي يې يوه شپه د (ليلة القدر) ورکړې ده او دا داسي عظيمه شپه ده لکه څه ډول چي الله جل جلاله فرمايي:

(لَيْلَةُ الْقَدْرِ خَيْرٌ مِنْ أَلْفِ شَهْرٍ (۳-القدر )

د ليلة القدر د شپې عبادت تر نورو  زرو  مياشتو لا هم غوره  او  زيات  ثواب لري.  زر  مياشتي درو اتيا کاله او څلور مياشتي کيږي.

 دا څومره د خوښۍ ځاى دئ چي په يوه شپه يو مسلمان کولاى سي د  درو اتيا کلونو تر عبادت لا هم  زيات ثواب حاصل کړي. آيا تاسو ته معلوميږي چي دا د قدر وړ شپه کومه شپه ده؟
 
دا  شپه نامعلومه ده د ټول کال په جريان کي کېدلاى سي چي يوه شپه دي  (ليلة القدر) وي خو دنبي کريم صلی الله علیه وسلم  د آحاديثو په رڼا يې د دغي شپې زيات  اميد د روژې په مياشت کي کېدلاى سي او په ځانګړي ډول د روژې په  اخرو لسو شپوکي او بيا د آخرو لسو شپو په  طاقو  شپو کي او بيا تر هري شپې زيات  اميد يې په اوه  ويشتمه شپه کېدلاى سي. نو څه به کوو؟
 
د (ليلة القدر) شپه چي تر درو اتيا کلونو څخه يې عبادت لا هم زيات ثواب لري دا شپه به د فسق په بانډار تېروو؟ اوکه به د روژې په مبارکه مياشت کي ټولي شپې په لمانځه، تلاوت، ذکر، تعليم او نورو عبادتونو  تېروو؟ د عقل او پوهي څښتن هغه څوک دئ، چي په دې هکله صحيح پرېکړه وکړي او د لاس تړلو شيطانانو د لاس  اله   ونه ګرځي.   
 
ماخذ: تعلیم الاسلام مجله- ۴ ګڼه



 

سرته