تازه سرليکونه
د (نکاح) نورې ليکنې
تازه سرليکونه
بېلابېلې ليکنې
د صريح طلاق حكم
 
  November 25, 2012
  0

 د طلاق صريح لفظونه نيت او نښي ته اړتيا نه لري ، د طلاق په صريحو لفظونو يو رجعي طلاق واقع كيږي .

د طلاق صريح الفاظ يعني د ( ط ، ل ، ق ) څخه كه فعل لکه طَلَقَکِ يا مشتق اسم لکه طَالِق جوړ سي او د طلاق عدد او شمېر ورسره ياد نه کړل سي يو رجعي طلاق په واقع كيږي .

د مثال په ډول كه يو څوك خپلي ښځي ته ووايي : طلقتكِ يا انتِ طالق يا انتِ مُطَلقَة ، په دې ټولو صورتونو كي يو رجعي طلاق واقع كيږي .

که په دا ډول حالت كي په زړه كي د دوو يا درو طلاقو نيت وكړي بيا هم يو رجعي طلاق په واقع كيږي .

په عربي كي مصدر كله د فاعل يا د مفعول په معنا هم كارول كيږي ، نو كه څوك د طلاق د صريحو الفاظو مصدر د فاعل يا د مفعول او یا هم د مفعول مطلق په ډول وكاروي دلته كه دى د عدد نيت و نه لري نو هم يو رجعي طلاق په واقع كيږي .
دغه ډول كه د طلاق مصدر د فاعل يا مفعول يا مفعول مطلق په ډول وكاروي او په زړه كي د دوو طلاقو نيت ولري بيا هم يو رجعي طلاق په واقع كيږي .

خو كه د صريح الفاظو مصدر د فاعل يا مفعول او يا د مفعول مطلق په ډول استعمال كړي او په زړه كي د درو طلاقو نيت ولري نو بيا درې طلاقونه په واقع كيږي ، ځكه درې طلاقه د جنس او نوع لكبله هم فرد یعني یو ګنل كيږي .
 
د مثال په ډول كه څوك ښځي ته ووايي : 

انتِ الطلاق يا انتِ طالق طلاقا دلته كه دى د عدد نيت و نه لري همداسي دا خبره ورته وكړي ، يا د دوو طلاقو په نيت دا وينا ورته وكړي نو يو رجعي طلاق په واقع كيږي .

كه دا وينا د درو طلاقونو په نيت ورته وكړي نو بيا درې طلاقونه واقع كيږي ، ځكه دا د طلاق نوعي فرد بلل كيږي .

ماخذ: فقه المبتدي، دوهم ټوک- نکاح
 
 
تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته