تازه سرليکونه
د ښځي نفقه
 
  March 15, 2017
  0
نفقه خرڅ ته وايي خو دلته د نفقې څخه مراد د ښځي د خوراکې ، جامو او د هستوګن ځاى خرڅ دى .

د ښځي نفقه پر خپل مېړه باندي واجب ده ، ځکه لکه څه ډول چي د قرابت يا ملکيت لکبله د يوه نفقه پر بل باندي لازميږي ، همداسي د ازدواج لکبله هم د يوه نفقه پر بل باندي لازميږي ، واده ، خپلوي او څښتنتوب درې واړه د نفقې لازمونکي دي . 

ښځه چي ځان خپل مېړه ته د هغه په کور کي وسپاري نو د خوراکې ، جامو او هستوګن ځاى خرڅ يې پر مېړه لازميږي ، البته د مُفتَى بِهِ (۱) قول پر بنسټ د ښځي نفقه پر مېړه باندي د نکاح د وخت څخه لازميږي که څه هم ښځه د پلار پر کور ناسته وي ، تر اوسه لا راواده سوې نه وي ، تر څو چي مېړه يې د راواده ولو غوښتنه کړې نه وي .

----------------------
(۱): مُفتَى بِهِ هغه قول ته وايي چي په هغه فتوا ورکول کيږي .
 
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
 

سرته