څانګه: معاملات نيټه: September 18, 2014
       
ممیز کوچنى
د مُمَيِّزکوچني (۱) توكَيْل په هغو کارونو کي چي پخلپه يې شرعا د کولو واک نه لري هم نه صحيح کيږي لکه خپلي ښځي ته طلاق ورکول يا خپل مال بل ته په هبه او خيرات کي ورکول ، ځکه چي په داسي کارونو کي پر مُمَيِّزکوچني بنديز لګول سوى دى .

هغه کارونه چي د مُمَيِّزکوچني سراسر پکښي ګټه وي لکه د بل څخه خيرات قبلول نو په هغه کي بل چا ته وکالت ورکولاى سي .

د مُمَيِّزکوچني هغه تصرفات چي ګته او تاوان يې نامعلوم وي لکه رانيول ، خرڅول يا خپل شى په اجاره ورکول ، که ولي د دا ډول کارونو د کولو اجازه ورکړې وي نو دى يي پخپله هم کولاى سي او هم يې وكَيْل ته سپارلاى سي او که ولي يې اجازه نه وه ورکړې بيا يې توكَيْل د ولي پر اجازه موقوفه کيږي .
-----------------------
(۱):    مُمَيِّز  کوچنى هغه ته وايي چي په سودا پوهيږي ، د مُمَيِّز  کوچني تصرفات چي سراسر يې په ګټه وي صحيح کيږي او هغه تصرفات يې هيڅ نه صحيح کيږي چي محض په تاوان يې وي ، د ګټي او تاوان احتمال لرونکي تصرفات يې د ولي پر اجازه موقوفه دي ، د تفصيل د پاره د همدي ټوک د حجر باب ته مراجعه وکړئ .
 
ماخذ: فقه المبتدي، دریم ټوک- معاملات
مؤلف: مولوي محمد عمر خطابي