څانګه: شعرونه نيټه: January 29, 2015
       
د مصطفی صلی الله علیه وسلم مینه

 رالېږونکی شاعر: کریم الله شیرزاد

لکه روڼ څاڅکي چي تر مځکي له بارانه رسي

داسي دي مینه و هر زړه لره پریمانه رسي

 

که چا څلویښت کاله د بتو عبادت کړی وي

په شهادت د رسالت ستا تر ایمانه رسي

 

د میني سپين لمر دي سینه باندي ځلیږي مدام

څرک یې د شرق او غرب تر هره مسلمانه رسي

 

عجیبه مینه ده خرما او ثواب دواړه لري

هر یو عاشق یی تر حبیب او تر سبحانه رسي

 

د شیرزاد مینه څو کلو پوري محدوده نه ده

په حشرګاه کښي به یې هم ږغ تر سلطانه رسي