تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
څلوېښت حدیثونه
 
  June 7, 2017
  0
لیکنه:  جاوید احمد (سعادت) 
 
حضرت رسول الله صلی الله علیه وسلم وفرمایل: مَنْ حَفِظَ عَلی اُمّتِيْ اَرْبَعِیْنَ حَدِیْثاً فِیْ اَمْرِ دِیْنِهاَ بَعَثَهُ اللهُ فَقِیْهاً وَ کُنْتُ لّهُ یَوْمَ الْقِیاَمَةِ شَاهِداً وَ شَهِیْداً ( ترمذی) 
ترجمه: هر څوک چي زما د امت د دیني فایدې د پاره څلوېښت حدیثونه جمع کړي الله تبارک وتعالی به هغه سړی د قیامت په ورځ فقیه راپورته کړي د قیامت به ورځ زه غواړم چي دده شفاعت وکړم اوغواړم چي د هغه ګواه او شاهد سم.

دغه ډول نبي کریم صلی الله علیه وسلم ارشاد فرمایلۍ دی چي هر څوک زما د امت د فایدې (ګټی رسولو) د پاره څلويښت حدیثونه چي د دینی امورو (کارو) سره تعلق لري سړي ته وریاد کړي یا یې غوږ ته د یو مسلمان ور ورسوي الله تبارک وتعالی به د قیامت په ورځ د علماؤ او شهیدانو په جماعت او ټولۍ کي را پورته کړي او اجازت به ورکړي د هري دروازې څخه چي ته غواړې و جنت ته داخل سه.

الله اکبر ! څوني لویه نېکبختي او لوی زېری دی!

مسلمانانو ته پکار ده چي دا حدیثونه پخپله هم یاد کړي او خپلو متعلقینو او کورنۍ ته یې هم وریاد کړي دا حدیثونه ډیر لنډ دي نو یادول ددې حدیثو ډېر آسانه دي مشکل کار نه دی:

۱  إِنَّمَا الأَعْمَالُ بِالنِّيَّاتِ. (بخاری و مسلم) 
دعملو قبليدل د نیت سره تعلق لري.

۲ اَلدِّیْنُ اَلنَّصِیْحَةُ. (مسلم)  
دین د خیر غوښتنی نوم دی.

۳ اَمْلِکْ لِسَانَکَ. (ترمذی) 
خپله ژبه وساته.

۴ مَنْ صَمَتَ نَجَا. (ترمذی)
څوک چی پټه خوله سو هغه خلاص سو.

۵ اِذَا غَضِبَ اَحَدُکُمْ فَلْیَسْکُتْ. (طبرانی)
ستاسي څخه چي هر څوک غضبناکه سي باید چي پټه خوله سي.

۶ مَنْ غَشَّ فَلَیْسَ مِنَّا (مسلم) 
هر چا چي فریب وکړی هغه زموږ څخه نه دی.

۷ اَلْحَیَاءُ شُعْبَةٌ مِنَ الاْیْمَانِ (بخاری و مسلم)
حیا د ایمان یوه شعبه ده.

۸ اَلْغَیْبَةُ اَشَدُّ مِنَ الزِّناَ (مشکوة)
غیبت کول تر زنا هم بد تر دی.

۹ زِنَا الْعَیْنِ الَنَّظَرُ (مشکوة)
د سترګو زنا ناروا کتل دي.

۱۰ لاَ یَدْخُلُ الْجَنَّةُ مَنْ لاَّیَأْمَنُ جَارُهُ بَوَائِقَهُ (مسلم)
هغه سړی به جنت ته داخل نسي چي دده همسایه ګان دده د زهیريدو څخه محفوظ نه وي.

۱۱ عَذَابُ الْقَبْرِ حَقٌّ (بخاری)
د قبر عذاب حق دی.

۱۲ كُلُّ مُسْكِرٍ حَرَامٌ (ابوداود)
هر شی چي نشه راولي حرام دی.

۱۳ مِفْتَاحُ الْجَنَّةِ اَلصَّلاَةِ وَ مِفْتَاحُ الصَّلاَةِ اَلْوُضُوْءُ (ترمذی)
د جنت کیلي لمونځ دی او د لمانځه کیلي اودس دی.

۱۴ اَلسِّوَاكُ مُطَهِّرَةٌ لِلْفَمِّ وَ مَرْضَاةٌ لِّلرَّبِّ (نسائي)
مسواک وهل د خولي د پاکۍ سبب دی او د الله جل جلاله د رضاء سبب ګرځي. 

۱۵ أَفْضَلُ الأَعْمَالِ الْحُبُّ فِى اللَّهِ وَالْبُغْضُ فِى اللَّه (ابوداود)
ښه د عملو څخه دا دی چي دوستي هم د الله د پاره وي او دښمني هم د الله د پاره وي.

۱۶ أَحَبُّ الْبِلاَدِ إِلَى اللَّهِ مَسَاجِدُهَا وَأَبْغَضُ الْبِلاَدِ إِلَى اللَّهِ أَسْوَاقُهَا (مسلم)
ډیر خوښ د ښارو څخه د الله جل جلاله په نزد مسجدونه دي او ناخوښه د ښارو څخه د الله جل جلاله په  نزد بازارونه  دی.

۱۷ مَنْ بَنَى مَسْجِدًا لِلَّهِ تَعَالَى بَنَى اللَّهُ لَهُ بَيْتًا فِى الْجَنَّةِ (بخاری و مسلم)
هر چا چي د الله جل جلاله د رضاء د پاره مسجد جوړ کړی الله جل جلاله به دده د پاره په جنت کي ځای جوړ کړي.

۱۸ إِذَا جَاءَ أَحَدُكُمْ إِلَى الْجُمُعَةِ فَلْيَغْتَسِلْ (بخاری و مسلم)
څه وخت چي یو ستاسي څخه جمعه پیدا کړي باید غسل وکړي (یعني د جمعې په ورځ غسل وکړي).

۱۹ اَلصَّلَوَاتُ الْخَمْسِ يَمْحُو اللَّهُ بِهِنَّ الْخَطَايَا (مسلم)
د پنځو لمونځو په کولو سره الله جل جلاله ګناهونه بخښي.

۲۰ صَلُّوْا الصَّلاَةَ لِوَقْتِهَا (مسلم)
لمونځ پر خپل ټاکلي وخت باندي آدا کړی.

۲۱ إِذَا سَجَدْتَّ فَضَعْ كَفَّيْكَ وَارْفَعْ مِرْفَقَيْكَ (مسلم)
څه وخت چي تاسي سجده کوی خپل ورغوی (لاسونه) پر مځکه کښيږدئ او خپل بازوګان د مځکي څخه پور ته کړئ.

۲۲ الَّذِى تَفُوتُهُ صَلاَةُ الْعَصْرِ كَأَنَّمَا وُتِرَ أَهْلَهُ وَمَالَهُ (بخاری و مسلم)
د هر چا څخه چي د مازیګر لمونځ قضا سو نو لکه مال او اولاد چي یي برباد سو.

۲۳ مَا أَسْفَلَ مِنَ الْكَعْبَيْنِ مِنَ الإِزَارِ فَفِي النَّارِ (بخاری و مسلم)
هر چا لنګ یا پایڅې چي تر بجلکو کښته وي هغه حصه د بدن به یې دوږخ ته ولاړه سي.

۲۴ لاَ تَدْخُلُ الْمَلاَئِكَةُ بَيْتًا فِيهِ كَلْبٌ وَلاَ صُورَةٌ (بخاری و مسلم)
ملائکي هغه کور اوخوني ته نه داخلیږي چي په هغه کي سپی یا عکسونه وي.

۲۵ إِيَّاكُمْ وَالْحَسَدَ فَإِنَّ الْحَسَدَ يَأْكُلُ الْحَسَنَاتِ كاَمَا تَأْكُلُ النَّارُ الْحَطَبَ (ابوداود)
د حسد او بغض څخه تيښته وکړئ ځکه چي حسد اوبغض نیکي داسي خوري لکه اور چي بوټي خوري.

۲۶ لاَ يَدْخُلُ الْجَنّةَ خِبٌ وَلاَ بَخِيْلٌ وَلاَ مَنَّانٌ (ترمذی)
فريب کاره ، بخیل ، او هغه څوک چی د خپل احسان منت پر بل چا اچوي جنت ته به داخل نه سي.

۲۷ سِبَابُ الْمُسْلِمِ فُسُوْقٌ وَقِتَالُهُ كُفْرٌ (بخاری و مسلم) 
مسلمان لره نالائقه وینا لویه ګناه او په ناحقه وژل د کفر سره برابر ده.

۲۸ الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ (بخاری)
کامل مسلمان هغه څوک دی چي د هغه د ژبي او لاس څخه مسلمانان په امن کي وي.

۲۹  لاَ إِيْمَانَ لِمَنْ لاَ أَمَانَةَ لَهُ وَلاَ دِيْنَ لِمَنْ لاَ عَهْدَ لَهُ (بیهقی)
ایمان نسته هغه چا لره چي امانتداره نه وي او کامل دینداره نه وي هغه څوک چي پر خپله وعده وفا نه کوي. ( د ایمان څخه مراد کامل ایمان دی).

۳۰ آيَةُ الْمُنَافِقِ ثَلاَثٌ إِذَا حَدَّثَ كَذَبَ ، وَإِذَا وَعَدَ أَخْلَفَ ، وَإِذَا اؤْتُمِنَ خَانَ. (بخاری و مسلم)
د منافق درې علامې دي څه وخت چي خبري کوي درواغ وایي او څه وخت چي وعده وکړي وفا یې نه کوي (وعده خلافي کوي) او په امانت کي خیانت کوي.

۳۱ خَيْرُكُمْ مَنْ تَعَلَّمَ الْقُرْآنَ وَعَلَّمَهُ (بخاری و مسلم)
ستاسي څخه ښه سړی هغه څوک دی چي قرآن شریف زده کړي او نورو ته یي هم ور زده کړي.

۳۲ ارْحَمُوا أَهْلَ الأَرْضِ يَرْحَمْكُمْ مَنْ فِى السَّمَاءِ (ترمذی ابوداود)
تاسي رحم کوئ پر هغه چا چي په مځکه کي دي پر تاسي به رحم وکړي هغه (الله) چي په اسمان کي دی.

۳۳ لَقِّنُوا مَوْتَاكُمْ لاَ إِلَهَ إِلاَّ اللَّهُ (مسلم)
خپلو مړو لره ( هغه کسانو ته چي مرګ ورته حاضر سي) تلقین ورکوئ په کلمه سره د لااله الا الله محمد رسول الله.

۳۴ لاَ تَسُبُّوا الأَمْوَاتَ فَإِنَّهُمْ قَدْ أَفْضَوْا إِلَى مَا قَدَّمُوا (بخاری)
خپلو مړو ته ښکنځل بد ویل مه کوئ ځکه چي دوی رسیدلی دي هغه ته چي مخکي یې استولي وه ( د خپل عمل جزا ته رسیدلي دي).

۳۵ لاَ يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَلَدِهِ وَوَالِدِهِ وَالنَّاسِ أَجْمَعِينَ (بخاری و مسلم)
ستاسي څخه هیڅ سړی کامل مؤمن نسي کیدای تر څو چي ده لره زما محبت تر خپل مور، پلار، اولاد او تر ټولو خلګو ډیر نسي.

۳۶ اَلْمَرْءُ مَعَ مَنْ أَحَبَّ (بخاری)
انسان به د قیامت په ورځ د هغه چا سره ملګری وي چي په دنیا کي یې د هغه سره محبت درلود.

۳۷ كُنْ فِي الدُّنْيَا كَأَنَّكَ غَرِيبٌ، أَوْ عَابِرُ سَبِيلٍ (بخاری)
په دنیا کی د مسافر او د لاري تیریدونکي په شان ګذاره کوه.

۳۸ اَلجَنّةْ تَحْتَ اقْداَمِ الْاُمَّهاَتِ (مسلم)
جنت د میندو تر قدمو لاندي دی.

۳۹ يُسَلِّمُ الصَّغِيرُ عَلَى الْكَبِيرِ وَالْمَارُّ عَلَى الْقَاعِدِ وَالْقَلِيلُ عَلَى الْكَثِيرِ (بخاری)
سلام دي وایی کشر و مشر ته او تلونکی (روان) و ناست ته او لږ کسان و ډیرو ته.

۴۰ إِنَّ اللَّهَ لاَ يَنْظُرُ إِلَى أَجْسَادِكُمْ وَلاَ إِلَى صُوَرِكُمْ وَلَكِنْ يَنْظُرُ إِلَى قُلُوبِكُمْ (مسلم)
ترجمه: الله تبارک و تعالی  ستاسي صورتو او مالو ته نه ګوري بلکي الله تعالی ستاسي زړو او عملو ته ګوري.
 
  ماخذ: معلم الدین
سرچینه: تعلیم الاسلام راډيو
 

سرته