تازه سرليکونه
د (حقوق) نورې ليکنې
تازه سرليکونه
بېلابېلې ليکنې
د مسلمان او همسایه حقوق (۱)
  تعلیم الاسلام
  March 10, 2017
  0

لیکنه: مولوي عبدالغفار حسیني

 ۱: د یو مسلمان ورور حاجت او اړتیا پوره کوونکی داسي دی، لکه ټول عمر چي د لوی څښتن په خدمت کښي تېر کړي.

 
۲: تاسو د خپلو اسلامي وروڼو سره مرسته کوئ! هغه که ظالم وي او که مظلوم وي. د مظلوم سره مرسته دا ده، چي د ظالم له ظلم څخه يې خلاص کړی او د ظالم سره مرسته دا ده، چي هغه له ظلمه څخه راوګرځوی؛  ویې ژغوری او منع يې کړی.
 
۳: له کوم چا سره چي د یو مسلمان غم او همدردي نه وي . هغه زما د امت څخه نه دی.
 
۴: د لوی څښتن په وړاندي تر هغه زیات عبادت نسته، چي د یو مسلمان ورور زړه خوشحاله کړل سي.
 
۵: تر شرک ورسته بدترینه (سخته ناوړه) ګناه مخلوق ته آزار رسول دي. تر ایمان رالاندي افضله او غوره نېکي مخلوق ته آرام او خوشحالي ورکول دي.
 
۶: کوم کس چي تر سلام اچولو مخکي خبري او وینا کوي، د هغې خبري ځواب مه ورکوئ؛ تر څو چي په سلام اچولو پیل و نه کړي.
 
۷: سلام اچوونکي ته دېرش نېکۍ او ځواب ورکوونکي ته لس نېکۍ ورکول کېږي.
 
۸: کله چي دوه مسلمانان وروڼه د روغبړ لپاره لاس سره ورکړي، نو اویا رحمتونه د دوی په مینځ کښي سره وېشل کېږي. نهه شپېته رحمتونه د هغه کس په برخه کېږي چي په دوی دواړو کښي ښه په خندا او ورین تندي وي او یوه د رحمت حصه د هغه بل په برخه کېږي.
 
۹: د ګاونډیتوب حق مرتبه په مرتبه تر څلوېښتو کورونو پوري دی. دا حق په څلورو اطرافو او اړخونو څلوېښت-څلویښت کوره دی.
 
۱۰: د همسایه ګانو حق صرف دا نه دی، چي ازار مه ور رسوئ، بلکي د هغو سره احسان او پېرزوینه کول هم ضروري دي.
 
۱۱: د قیامت په ورځ به د غریب همسایه لاس د شتمن او مالداره همسایه په ګرېوان کي وي.
 
۱۲: یو د بل د حال او احوال پوښتنه کول او بیا د غمرازۍ اظهار نه کول، د نفاق علامه ده.
 
۱۳: د کافر همسایه یو د همسايه توب حق دی؛ د مسلمان همسایه دوې حصې (همسايه توب او اسلام)؛ د قریب او خپلوانو همسایه درې چنده (همسايه توب، اسلام او قرابت) حقونه دي.
 
۱۴: کوم کسان چي پر الله جل جلاله او قیامت ایمان لري ، هغو ته ووایاست، چي د همسایه عزت او تکریم کوئ!
 
۱۵: کوم چا چي د همسایه سپی وواهه، هغه همسایه ته آزار ورسوی.
 
۱۶: همسایه ته آزار رسوونکی دوزخي دی؛ که څه هم ټوله شپه عبادت کوي او ټوله ورځ يې روژه وي.
 
۱۷: همسایه چي د بل همسایه د شره څخه په امن نه وي، هغه کامل مسلمان نه دی؛  همسایه  يې که مؤمن وي او که کافر وي.
 
۱۸: قسم مي دي په هغه ذات وي ، چي د هغه په قدرت کي د محمد صلی الله علیه وسلم روح دی؛ حق د همسايتوب او ګاونډیتوب د هغه چا څخه اداء کيږي او پوره کولای يې سي، چي پر  هغه باندي الله تعالی رحمت کوي.
 
 ﴿مخزن الاخلاق اردو د مولانا رحمت الله سبحاني ﴾
 
یادونه: دا لړۍ ادامه لري
 
ماخذ: تعلیم الاسلام مجله، ۱۳ ګڼه
 

سرته