تازه سرليکونه
د (روغتيا پالنه) نورې ليکنې
تازه سرليکونه
بېلابېلې ليکنې
مردار دانه یا (Impetigo)
 
  October 15, 2015
  0

 جلدي نارو‌غي Skin Condition

 راليږونکې  :  قابله بي بي اسیه سحر 
سرچینه: تعلیم الاسلام ویب پاڼه

امپيتګو ( مردار دانه ) Impetigo ) 

تشريح:
يوه ډيره ساري ، سطحي جلدي انتان دي چي زياتره د ستر پتو کوکونو او ستافيلو کوکونو له امله  پيدا کيږي ، دا ناروغي په ماشومانو کي معمول ده او کيداى سي په لويانو کي هم پيښه سي ، امپيتګو کيداى سي له مخکې موجود خارښ لرونکي درماتوزونو ( لکه اکزيما ، lice ، کووي  او تبخال ) د اختلاط په پايله کى مينځ ته راسي .د امپيتګو کم اختلاط عبارت دي له : ابسي ، پيو ډرمي ، دلمفاوي غدو التهاب ، سيپتيسيما او د سترپتوکوکال د انتاناتو څخه وروسته حادګلوميرولو نفريت.
 
تشخيص
 
خيږ لرونکي کوچني شړيدلي زخمونه معمولا په زيړ طلايي رنګ.
ويزيکولونه له زيړ رنګه مايع او يا له خفيفي تيره مايع سره .
د مخ لومړ‌نۍ اخته کيدنه چې بيا غاړې ، مټو او پښو ته خپريرږي .
ځينې وخت د خارښت شتون.
درد لرونکي ټپونه.
ټپونه کيداى سي د ورځو يا او نيو پوري دوام وکړي.
 
درملنه 
له درملو پرته درملنه 
 
هر جلدي ټپ بايد پاک وساتل سي.
جلدي ټپونه له اوبو او صابون سره ومينځئ او وچ کړئ. د موضعي درملنې له تطبيق وړاندې په ورو توګه خيږ لري کړئ .
لاسونه بايد په منظمه توګه  له صابون سره ومينځئ.

د درملو په وسيله درملنه 
 
د موضعي امپيتيګو لپاره په ورځ کې دوه ځله موضعي درملنه پرټپونو او د پوزي د سوريو په وروستيو برخو کې تطبيق کړئ.
gentian violet ٠.٥  سلنه .


او يا 
Neomycin sulfate    مرحم.
او يا
Bacitracin Neomycin + .
د پراخ امپيتيګو لپاره د ميکروب ضد سيستميک درملنې څخه ګټه واخلئ ( لکه له درې ټپونو څخه زيات ، د عضويت د څو ناحيو اخته کيدل، بولوز ناروغئ ابسي او يا تبه ).
د لومړئ کرښې درمل Penicillin  دي .
ناروغ ته دې –V Penicillin  د خولې له لارې ورکړل سي (يعنې د خولي له لاري Penicillin- Phenoxymethyl )  ) د اوو ورځو لپاره . د کوچنيانو او لويانو لپاره د معياري دوز استعمالول.
او يا 
Penicillin Benzyl Procaine  ژور عضلي زرق د اوو ورځو لپاره.
له ٣٠ کيلو ګرامه څخه کم وزنه ماشومان ٦٠٠٠٠٠ يونيټه.
له ٣٠ کيلوګرامو زيات وزن لرونکي ماشومان :١.٢  Million  يونيټه.
او يا
د دويمي کرښې درمل : د خولي د لاري   Cloxacillin
ماشومان: ١٥-١٠ mg/kg/dos هر شپږ ساعته وروسته د اوو ورځو لپاره .
لويان ٢٥٠-٥٠٠ ميلي ګرامه هر شپږ ساعته وروسته د اوو ورځو لپاره .
او يا

  د هغو ناروغانو لپاره چه د Penicillin  سره حساسيت لري : Erythromycin Ethyl succinate   دې د اوو ورځو لپاره تجويز سي.
ماشومان: معيارى دوز .
لويان : ٨٠٠ ميلي ګرامه ( دوه ټابليټه  ٤٠٠ ميلي ګرامه ) هر شپږ ساعته وروسته .
 
مخنيوى
د هر جلدي انتان پاکول په پاکو اوبو صابون سره .
د ګوتو د نوکانو لنډول او  پاک ساتل ، د ګرولو څخه ډډه کول.
د پاکو او بو او صابون په وسيله هر ورځ د روغتيا ساتني پاملرنه .
پر ټپونو د مرحم يا کريم له تطبيق څخه وروسته د لاسونو مينځل.

ماخذ :  د درملنې ملي معياري لارښود د لومړنيو روغتيايي خدمتونو مرکزونو لپاره
 
یادونه: دا لیکنه صرف د طبي ډاکټرانو لپاره لارښووني دي.
 
 

 

سرته