څانګه: صحابه کرام (رضي الله عنهم) نيټه: October 26, 2015
       
د حضرت ابوبکر رضي الله عنه تواضع
ژباړه: شکرالله رسولي.

د صفة الصفوة کتاب مولف وایې چي د سیرت علماؤ ویلي دي: چي ابوبکر رضی الله عنه تر خلافت مخکي د خلګو څاروۍ لوشلې، کله چي د خلافت لوړ مقام ته ورسېدی یعني خلیفه سو، نو یوي وینځي وویل: چي اوس به ابوبکر موږ ته څاروې نه را لوشي، نو کله چي ابوبکر رضی الله عنه دا خبره واوریدل، نو وې ویل: هو زما دي قسم وي چي زه به خامخا تاسو ته ستاسو څاروۍ در لوشم ، او زه امید لرم چي زه به د هغو اخلاقو څخه چي ما مخکي لرل تغیر ونه کړم، نو حضرت ابوبکر رضی الله عنه به بیا هم دوی ته د دوی څاروۍ لوشلي.

سبحان الله دا زموږ د هغو خلیفګانو د تواضع یوه نمونه وه، چي پر نړۍ یې کامیابه حکومت هم کاوه خو بیا هم په هر حالت کښي یې تواضع او اخلاق له لاسه نه ورکول.(تعلیم الاسلام ویب پاڼه)