څانګه: شعرونه نيټه: January 14, 2016
       
د بنده رضاء د خدای رضـــــــــاء ته هسي

 عبدالستار"حيراني"

غزل

د بنده رضاء د خدای رضـــــــــاء ته هسي

د رقيـــــــب جــــــــــفاء د یار رضاء ته هسي

 

زورور کـــــــــــــــــه دي پر مخ درکړي څپېړه

د کـــــــــــــــــــــــمزوري و يوې ښېرا ته هسي

 

کـــــــــــــــــــــه په تُنده لهجه هر سړی ږغېږي

د اخـــــــــــــــــــــلاقو او عزت خندا ته هسي

 

د نـــــــــــــــامه د پاره هر  څه غورځي پرځي

د اخـــــــــــــلاص او صداقت دنيا ته هسي

 

چي غــــــــــــــــــرور او تکــبر يې غوره کړی

د حيـــــــاء او تواضـــــــــــــع ښکلا ته هسي

 

که پېـــــــــــــــــــیلي (حيراني ) وې ملغلري

د حمــــــــــــــــــيد او د رحمان وينا ته هسي

 

مأخذ: تعلیم الاسلام مجله ۱۵ ګڼه