تازه سرليکونه
د (خاتم النبيين ﷺ) نورې ليکنې
تازه سرليکونه
بېلابېلې ليکنې
د نبي کريم ﷺ (۳۰) ځانګړتیاوي
  تعلیم الاسلام
  May 8, 2016
  0

 د نبي کريم  ﷺ  (۳۰) ځانګړتیاوي

لیکنه: عبدالغفار جبیر/تعلیم الاسلام ویب پاڼه

 
۱: نبي کریم  ﷺ  خاتم النبيين ؤ، ددې څخه مطلب دا دی چې د الهي رسالت لاره پرېکړل سوه، بل رسول نه راځي او هغه شریعت چې ده ته ورکول سوی دی؛ هغه به تر قیامته پوری باقي وي، او هرهغه څوک چې د نبوت دعوه وکړي؛ هغه کذاب، مرتد او واجب القتل دی.
 
۲: ټول بشري کمالات په نبي کریم  ﷺ  کې جمع وو.
 
۳: د ټولو انبياء علیهم السلام کمالات او غوره صفات په نبي کریم  ﷺ  کې موجود وو.
 
۴: نور انبياء علیهم السلام د خپلو قومونو لپاره انبياء او رسولان وو؛ خو حضرت محمد  ﷺ  د انبياء نبي دی.
 
۵: نور انبياء علیهم السلام عابدان (عبادت کونکې) وو؛ خو حضرت محمد  ﷺ  امام العابدین ؤ.
 
۶: نور انبياء علیهم السلام به له ظهور څخه ورسته نبيان سول؛ خو حضرت محمد  ﷺ  د وجود څخه مخکې لا نبي ؤ.
 
۷:نور انبياء علیهم السلام مقرب (نژدې خدای ته) وو؛ خو حضرت محمد  ﷺ  اول المقربین دی.
 
۸: نبي کریم  ﷺ  به اول المبعوثین وي، کله چې د قیامت ورځ سي او ټول انسانان له قبرونو څخه راپورته سي نو نبي کریم  ﷺ  به تر ټولو لومړی راپورته سي.
 
۹: نبي کریم  ﷺ  به ترټولو لومړی وبلل سي، د قیامت په ورځ باندې به تر ټولو انسانانو لومړی حضرت محمد  ﷺ  مقام محمود ته وبلل سي.
 
۱۰: د قیامت په ورځ باندې به تر ټولو لومړی حضرت محمد  ﷺ  سجده وکړي.
 
۱۱: نبي کریم  ﷺ  به تر ټولو لومړی شافع او مشفع وي، تر ټولو لومړی به دی شفاعت کوي.
 
۱۲: نبي کریم  ﷺ  ته به شفاعت کبری (لوی شفاعت) ورکول سي، ټول انبياء علیهم السلام به د خپلو امتونو شفاعت کوي؛ خو نبي کریم  ﷺ  به د ټولو شفاعت وکړي.
 
۱۳: تر ټولو لومړی به نبي کریم  ﷺ  پرپُل صراط باندې تیر سي.
 
۱۴: تر ټولو لومړی به حضرت محمد  ﷺ  جنت ته داخل سي.
 
۱۵: نبي کریم  ﷺ  ته داسې کتاب ورکړل سو؛ چې د مخکنیو ټولو کتابونو ناسخ دی.
 
۱۶: نبي کریم  ﷺ  ته کامل دین ورکړل سو.
 
۱۷: نبي کریم  ﷺ  ته د دین غلبه ورکړل سوه.
 
۱۸: د حضرت محمد ﷺ  په دین کې اعتدال دی.
 
۱۹: د حضرت محمد  ﷺ  په دین کې هم ظاهري پاکوالی او هم باطني پاکوالی دی.
 
۲۰: نبي کریم  ﷺ  ته هم حقیقت او هم شریعت ورکړل سوی دی.
 
۲۱: نبي کریم  ﷺ  ته اجتهادي مذهبونه ورکړل سوی دي.
 
۲۲: د نبي کریم  ﷺ  په دین کې د یوې نیکۍ په عوض کې لس چنده اجر ورکول کېږي.
 
۲۳: نبي کریم  ﷺ  ته پنځه لمونځونه ورکول سوی دي.
 
۲۴: د نبي کریم  ﷺ  لپاره دا ټوله ځمکه مسجد دی.
 
۲۵: نبي کریم  ﷺ  ته هم عملي معجزې او هم علمي معجزې ورکول سوي دي.
 
۲۶: نبي کریم  ﷺ  ته ورکړل سوی کتاب (قرآن کریم) محفوظ دی.
 
۲۷: د نبي کریم  ﷺ  دفاع خپله الله جل جلاله کړې ده.
 
۲۸: د نبي کریم  ﷺ  شیطان مسلمان ؤ.
 
۲۹: د نبي کریم  ﷺ  لپاره بُراق مسخر کړل سو.
 
۳۰: د نبي کریم  ﷺ  د امت علماء داسې دي، لکه د بني اسرائیلو انبياء. 
 
ماخذ: نبي کریم  ﷺ  د غیرمسلمانانو په آند
 
د رسول الله ﷺ نوري ځانګړتیاوي
 

 

سرته