څانګه: چاڼ شوي مضامين نيټه: October 18, 2016
       
د کامیابه خلګو ۹ عادتونه
ژباړه: عبدالقدیر پوپل / تعلیم الاسلام ویب پاڼه

تاسو به هم کله فکر کړی وي چي د  پیاوړي خلګو د بریا راز ځه دی؟ اکثره داسي فکر کیږي چي  یو ښه نظر ، تشویق ، پرله پسې هڅي او یوښه بخت یې راز دی خو ددې ټولو سره سره یو لړ لاندي عادات هم دي چي بریالي کسان یې د بریا تر منزل رسولې.

۱: خپل د صحت خیال ساتي
 
 د فزیکي تمرین تر ځنګ د روحي صحت خیال ساتل هم مهم دي: عبادت کول ، دوستي پالل ، ښه غذا خوړل او سپورت کول  دا ټوله هغه ځه دي چي کامیابه کسان د بریا تر منزل پوري رسولو کي مرسته کوي.

۲: سهار وختی د خوب را کښېني
 
بریالي مذهبي مشران ، سیاست مداران ، تجاران ، پوهان ټوله سهار وختي د خوبه راکیښني ، سهار وختي را کیښنتل پیاوړي کسانو ته موقع ورکوي چي د نور نه مخي کار پیل کړي او سهار خیزه کسان مرستندویه وي . دوی ته د ورځي په آخر کي یو څه وخت د تفریح لپاره هم پاتیږي او حدیث شریف هم سته چي وایي د سهار په وخت کي برکت وي او همدې برکت د یادو کسانو سره په بریا کي مرسته کړې.

۳: دوی ځان مصروفه ساتي 
 
بریالي کسان تر نور ډیر کار کوي داسي کسان هم سته چي د اونۍ (۶۰) یا هم (۶۵) ساعت کار کوي. کله کله چي ضرورت وي (۱۰۰) ساعت هم په اونۍ کي د کامیابه کسانو کار رسیږي. کامیابي هم دغسي کار ته ضرورت لري.

۴: هغو ته د ( نه ) ویلو وخت ور معلوم وي
 
د کامیابه او رښتني کامیابه کسانو فرق په ( نه ) ویلو کي وي. کامیابه کسان ډیرو کارونو ته نه وايي ، کامیابه کسان ډیر هندوانې په لاس کي نه اخلي. هغوی پوهیږي چي که هر کار ته (هو ) ووایي نو کار به  پر ډیر سي او فکر  به یې پاشلی وي چي په نتجه کي به یې د کار تر سره کولو وړتیا د لاس ورکړې وي.

۵: د تلویزون ځای مطالعه ته ورکوي
 
یوې سروې ښودلې ده چي (۸۶٪) شتمن خلګ د مطالعې سره مینه لري او (۸۸٪) کامیابه شتمن خلګ لږ تر لږه (۳۰) دقیقې د ورځي و مطالعې ته ورکوي .

۶: یوه شپه مخ کي راتلونکې ورځ پلانوي
 
بریالي خلګ د خپل کار په پلانولو پیژندل کیږي، هغوی یو شپه مخکي کارونه پلانوي او کار ته  د ضرورت  پر اساس حق د اولیت ټاکي او را رواني ورځي ته اماده وي .

۷: هدف او موخي ټاکی 
 
(۹۵٪) بریالي کسان خپلي موخي او اهداف په ورځني ډول لیکي ، دوی د ورځي په اخر کي خپل لیکلی هدف ویني او د راتلونکي ورځي ستونزو ته اماده ګي نیسي.

۸: خپلو پیسو مصرفولو کي هوشیار وي
 
 د بریالي کسانو یو راز هم د مالي چارو ښه ترتیب او تنظیم دی ، پیاوړي خلګ ددې تر څنګه چي د بدو حالاتو لپاره  بودجه ساتي ، پوهیږي چي څنګه خپلي پیسې مصرف او په کاروبار واچوي. د ضرورت پر وخت د لاچارو کسانو لاس نیوی هم کوي. یو مشهوره مقوله ده ( بخت او تیاری یو وخت نه یو وخت ملاقات سره کوي ) پیاوړي کسان په دې باور چي بخت یې ورسره دی او تیاری باید وکړي نو بریا به یې په برخه وي ،  کار کوي او ریښتیا هم بریا یې په برخه سي.

۹: په ګډه کار کول

بریالي کسان د ګډ کار په ارزښت پوهیږي، څيړنو ښودلې ده چي په ګډه کار کول خلګ ښه کار کولو ته رهبري کوي او د ښې وظیفې د پیدا کېدو موقع زیاتوي. په ګډه کار کول د کامیابه خلګو سره په نوښت راوستلو کي مرسته کوي. 
 
-------------------------------------------

 

 
د همدې برخي نور توکي