تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
دا کتاب دوهم ځل نه چاپیږي!!!
 
  January 5, 2017
  0
لیکنه : محمد داود (امیري) / تعلیم الاسلام ویب پاڼه

ګرانه لوستوونکیه کیدای سي فکرمند سوی به یې چي دا به نو کوم کتاب وي چي بیا نه چاپیږي ؟ دا ستا ژوند دی، یعني ژوند هغه کتاب دی چي بیا نه چاپېږي، دا کتاب د الله تعالي ډیرستر نعمت دی دا نعمت د الهي تحفې په ډول قبول کړه! دا کتاب په ډېره مینه پرانیزه! ممکن په دې ښکلي کتاب کي بیلا بیل عناوین ووینې ، خو ته یوازي هغه د حقیقت په سترګو ولوله. بیا په دې مضامینو کي کره کتنه وکړه، ښه او بد سره جلا کړه، ښه مضامین د عمل په جامه ښکلي کړه او د بدو مضامینو تر پېژندلو وروسته د هغو څخه داسي لیري اوسه لکه د یو ډېرستر دوښمن څخه.
 

 
خو ګوره! دا هم یو حقیقت دی چي د یو کتاب په مفهوم او مقصد ځان پوهول د ښوونکي پرته ګران کار دی، خو ته مه غمجن کیږه ځکه هغه چا چي کتاب درته ډالۍ کړی دی هغه د نړۍ تر ټولو ستر او امين انسان تاته د ښوونکي او رهنما په توګه رالېږلی دی، نو د دې کتاب هرپاڼه (ورځ) د دې ښوونکي په لارښوونه واړوه! دا هغه معجز ښوونکی دی چي سپوږمۍ ېې په اشاره سره دوې ټوټې سول.

خو یوې خبري ته دي ډېر پام وي! چي د هر کتاب تر ختمیدولو وروسته یوه ازموینه اخستل کیږي، د دې کتاب ازموینه د درس په جریان (دنیا) کي د لومړۍ صفحې څخه تر وروستۍ پوري د زرې ـ زرې ازموینه پیلېږي او د دې کتاب تر ختمېدلو وروسته به د ازمویني پایله په لاس درسي، خو ګوره ! چي د دې کتاب خاوند (الله تعالي ) بیا د دې کتاب د د دوهم ځل چاپیدلو چانس نه درکوي.

عبدالرحمان بابا څه ښه ویلي دي:

دوبـــــاره دي راتـــله نـــسته پــه دنــیا
نن دي وار دی که دروغ کړې که رشتیا
 

سرته