تازه سرليکونه
د (نيکمرغه مېرمن) نورې ليکنې
تازه سرليکونه
بېلابېلې ليکنې
د عربي ښځي فصاحت او د خلیفه ځراکت
  تعلیم الاسلام
  April 14, 2017
  0

 

 ژباړه: عبدالسلام حنفي / تعليم الاسلام ویب پاڼه

 
د عربي ښځي فصاحت او د خلیفه ځراکت
 
یو ځلې د هارون الرشید درباره ته یوه ناراضه ښځه په داسي حالت کي داخل شوه چي د هارون الرشید سره د مخورو خلکو څخه ډیر ملګري ناست وو، نو  ښځې دغه جملې ورته  وویلې: يا أمير المؤمنين أقر الله عينيك، وفرحك بما آتاك، وأتم سعدك، فلقد حكمت فقسطت!
 
هارون الرشید په جواب کي ورته وویل ، ته د کوم ځاي يې اې ښځي ؟
ښځي وویل: د برمکیانو څخه  یم (برمک  د یحی پلار  او د هارون الرشید له مشهورو وزیرانو څخه وو ) د هغو کسانو له جملې څخه یم چي د هغوی سړي تا وژلي دي او مالونه دي اخیستي دي او د هغوی برخي دي چور کړي دي.
 
هر چي د خلکو وژل دي هغه به د الله جل جلاله په  تقدیر کي دا ورته لیکلي وو ، چي د الله تعالي فیصله د دوی په هکله پوره شوه ، او کوم چي مالونه دي هغه مو تا ته رد کړي دي موږ ته قابل د قبول نه دي. 
هارون الرشید د ښځې له تللو وروسته خپلو ملګریو ته مخ واړوه.
ایا تاسو پوهیږي چي دې ښځي څه وویل؟ 
 
ملګریو يې ورته وويل ، ښځې چي کومي خبري وکړي بدي خبري يي نه دي کړي بلکي ښې خبرې يې وکړې. 
هارون الرشید وویل ، ستاسو ګمان څه دی او د خبرو په مطلب باندي يې پوه شوی؟
 
ښځې چي دغه خبر وکړه چي ( اقرّ الله عینیک ) یعني سترګي دي له ښورولو څخه وساتل سه! نو کله چي سترګي له حرکت څخه وساتل شي نو ړوند به شې. 
 
او دغه خبر چي یې وکړه ( وفرحک بما اتاک) نو دا جمله يې د الله تعالي  له دي قول څخه اخیستي وه ، چي الله تعالي فرمايي: (حَتَّى إِذَا فَرِحُواْ بِمَا أُوتُواْ أَخَذْنَاهُم بَغْتَةً فَإِذَا هُم مُّبْلِسُونَ) سورة الانعام:۴۴
 
ژباړه: تر دې پوري چي کله هغوی په هغو نعمتونو کي چي وربښل شوي ول ، ښه ډوب شول . نو موږ په ناڅاپي ډول هغوی ونیول ، او په دې وخت کي د هغو دا حالت ؤ چي له هري ښګڼي څخه ناهیلي ول.
 
او دا خبره چي یې وکړه ( واتم سعدک) دا خبره يي د شاعر له دې قول څخه راخیستي وه:
اذا تم شیء بدا نقصه ـــــ ترقب زولاً اذا قیل تم 
ژباړه: کله چي یو شی پوره شي نو سمدلاسه په کموالي باندي شروع وکړي ، د هغه شي د زوال انتظار کوه کله چي وویل شي چي پوره شو.
 
او دا خبره چي یې وکړه ( لقد حکمت فقسطت)  د الله تعالي له دې قول څخه يې اخذ کړی وو ، چي فرمايي: (وَأَمَّا الْقَاسِطُونَ فَكَانُوا لِجَهَنَّمَ حَطَبًا) سورة الجن: ۱۵
ژباړه: او کوم کسان چي له حق څخه مخ اړونکي دي ، هغوی د  دوزخ د سون مواد ګرځیدلي دي!
 
نو د هارون الرشید ملګري دده له داسي تیز فهم څخه په تعجب کي شول. 
 
------------------------------------
ماخذ: قصص العرب في المكر والدهاء
 
 

 

سرته