تازه سرليکونه
د (چاڼ سوي مضامين) نورې ليکنې
تازه سرليکونه
بېلابېلې ليکنې
ویناوي: د انسان ژوند
 
  April 25, 2017
  0
لیکنه: احمد نور نوري / تعلیم الاسلام ویب پاڼه

  • کله چي یو ماشوم و دې نړۍ ته راسي نو په غوږ کي ئې آذان کیږي، خو کله چي بیرته له دې نړۍ څخه ولاړسي، بیا یوازي بې له آذانه د جنازې لمونځ پر اداء کیږي، نو د انسان ژوند صرف د آذان او د لمانځه ترمينځ وخت دی.

  • دا د ژوند بار نه دی، چي ستا ملا در ماتوي بلکي خبره دا ده، چي هغه په څه ډول وړې.


  • لوړي غونډۍ ته ختل په ورو - ورو تګ سره کيږي.


  • يوه شمعه د بلي شمعي په روښانه کولو سره هيڅ شی د لاسه نه ورکوي.


  • انسانان داسي دي، چي يو وزر لري، ددې د پاره چي والوزي بايد يو او بل وزرونه سره ورکړي.


  • ستر او پياوړي کسان هغه څوک دي، چي د ژوند ډېر ترخه واقعيتونه زغملاى سي.


  • که ته نن د بدلون پر اوږو باندي سفر و نه کړې، سبا به هرو مرو د هغه تر پښو لا ندي پروت يې.


  • د انسان زړه د پراشوټ په شان دی، پراشوټ هغه وخت کار کوي چي خلاص سي.


  • خنډونه بېرونکي بلاوي دي او يوازي هغه وخت ستا مخته دريږي چي ته دخپل هدف څخه مخ واړوې.


  • ناکامي دا نه ده، چي ته خپل هدف ته ونه رسېږې، بلکي ناکامي هغه ده چي هيڅ هدف ونه لرې.


  • کله چي موږ وده کوو موږ نه بدليږو، خو زموږ اصليت د ورځو په تېرېدو سره څرګنديږي.


  • زما مشوره داده چي واده وکړه، که دي ښه جوړه په نصيب سوه، نو به خوشحاله ژوند ولرې او که نه نو بيا به فليسوف در څخه جوړسي.


  • هغه څه چي د الله جل جلاله د رضاىت سبب کيږي د هغه د مخلوق خدمت دی، يوڅوک نه سي کولاى د الله جل جلاله سره د ميني دعوه وکړي، په داسي حال کي چي د خپل ورور څخه کرکه کوي.


  • خپل دښمنان وبخښه، خو نومونه ئې مه هېروه.

ماخذ: تعلیم الاسلام مجله: ۲۰-۲۱
 

سرته