څانګه: چاڼ شوي مضامين نيټه: August 14, 2017
       
د نکاح ځنډونکو ته نبوي پیغام

اداره

عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ ( الترمذي )

رسول الله صلي الله عليه و سلم فرمايلي  دي : تاسو ته چي داسي څوک مرکه وکړي چي د هغه ديانت او اخلاق تاسو ته د خوښۍ وړ وي ښځه په نکاح ورکوئ ، که داسي و نه کړى ، نو لکبله به يې په مځکه کي لويه وران کاري او فتنه خپره سي .

دا ځکه که څوک خپله لور يا خپله خور د شتمن او خانداني کس څخه ماسيوا بل چا ته په نکاح نه ورکوي نو ډېر ځوانان او ډيري انجوني به بې واده پاتيږي ، بيا به ډېر کسان د ناروا اړيکو د لاري د ځوانۍ هوس پوره کوي او د زنا فتنه او فساد به د مځکي پر مخ خپريږي . ځکه نو که داسي څوک چا ته مرکه وکړي چي هغه هم ښه ديانت ولري او هم د ښو اخلاقو څښتن وي همدا يې د لور يا د خور د پاره ښه انتخاب دى ،  نور دي يې په نکاح کي ځنډ نه راولي .

ماخذ: فقه المبتدي- نکاح

د نکاح ځنډولو زیانونه