تازه سرليکونه
د (نبوي سیرت) نورې ليکنې
تازه سرليکونه
بېلابېلې ليکنې
نبوي سیرت: يهوديت څنکه و يمن ته داخل سو؟ (۱۳)
  تعلیم الاسلام راډیو
  March 9, 2018
  0

نبوي سیرت (۱۳ برخه)

لیکنه: مولوي عنایت الله علمي / تعلیم الاسلام ویب پاڼه

 

 کوم وخت چي تَبان ابن اسعد بيرته يمن ته ورسېدى خپل قوم يې يهوديت ته دعوت کړى، هغو د یهودیت څخه انکار وکړى ويل: خپل دين څنګه پريږدو؟ 

 

هغه وخت د يمن خلکو او د تُبّع قوم مستقل دين نه درلودى د نورو عبادتو تر څنګ يې د اور عبادت هم کاوه، اور يې مقدس باله د اور يې عزت او احترام کاوه، حتّْی اور د دوى قاضي هم ؤ، څنګه يې قاضي ؤ؟ هغه داسي: چي دوى د اور يوه خونه درلودل چي په هغه خونه کي به همېشه اور بل ؤ، که به يو وخت د دوى په منځ کي دعوه، اختلاف او خصومت پيښ سو نو به مدعي او مدعي عليه يعني: د دعوې دواړه طرفه دغه د اور خوني ته ورغلل او د خوني دروازې ته به ودرېدل، دروازه خو به بنده وه، هغه د اور مؤظف مامور يا خادم به د اور دروازه په يوه وار پر را خلاصه کړه اور به د خپله زوره څخه په يوه وار دباندي را و وتى او اول چي به د هر يوه پر طرف ورغلى هغه ظالم ؤ او حق د هغه دوهم نفر پرطرف ؤ، دغه طريقه کاهنانو او جادوګرانو و دوى ته اېښې وه. 

 

 اوس چي د پاچا او د قوم په منځ کي د دين په سبب اختلاف پيدا سو نو يې و ويل: په اور سره به فيصله وکړو، د دغه فيصلې دپاره د يهودو عالمان چي د دعوې يو طرف بلل کېدل تورات په لاس کي ونيوى او وايي يې، د يمن کاهنان او نجوم ګران چي د دعوې بل طرف وه ټول د اور د خوني و دروازې ته ودرېدل، د اور خادم دروازه پر را خلاصه کړه اور د کاهنانو پر طرف ورغلى او دوى ځني وځغستل يا وتښتېدل، قوم يې ورته و ويل: ولي تښتى؟ دا حکم او قانون دى بايد ودرېږى کاهنان هم مجبوره سوه بيرته راغله، د اور خادم بيا دروازه پر خلاصه کړه دوهم وار بيا د اور لمبه د کاهنانو پر طرف ورغله کاهنانو دا وار ځانونه ټينګ کړه او ورته ودرېدل، مګر اور د چا مراعت نه کوي کاهنان يې پاک وسوځل، د اهلِ يمن یا د یمن د خلکو په دين او عقېده کي دا معلومه سوه چي يهوديان پر حق دي، نو دغه د اور په فيصله د يمن خلكو يهوديت قبول کړى او ټول يهودیان سوه. 

 

دا هغه معلومات وه چي يهوديت څنکه و يمن ته داخل سو.

 

نور بیا...


ماخذ: د سرورِ کائنات صلی الله علیه وسلم ژوند
 

سرته