تازه سرليکونه
د (نوي مسلمانان) نورې ليکنې
تازه سرليکونه
بېلابېلې ليکنې
نوی مسلمان: عيسی (ع) مي په خوب وليدی!
  تعلیم الاسلام ویب پاڼه
  October 11, 2018
  0

ژباړه : غلام عمرعبدالله / تعلیم الاسلام ویب پاڼه

 

د نوي مسلمان شوي ځوان کيسه...

 

اسپانوي الاصله امريکايي ځوان د نيويارک په بروکلين ښار کي د سهار د لمانځه پر مهال د مسلمانانو يو مسجد ته داخل شو ، د جماعت وروسته يې لمونځ کوونکو ته وويل : غواړم چي د اسلام سپېڅلي دين ته داخل شم.

 

خلکو ورته وويل : ته څوک يې؟

 

ده ورته وويل : ما پرېږدئ او پوښتنه مه راڅخه کوئ!

 

خلکو غسل ورکړ ، د شهادت کلمه يې وويل.

 

ځوان ته يې لمونځ ( له ټولو فرائضو او ادابو ) سره ور وښود ، ځوان به همېش په ډېره مينه او خوشوع سره د خپل عظيم رب عبادت کاوه ، په داسي مينه او خوشوع سره چي د ټول مسجد خلک به ورته حيران او په تعجب کي وه.

 

يوه ورځ د لمونځ کوونکو وروڼو څخه يوه وغوښتل چي د نوي مسلمان شوي ورور له خولې څخه واوري ، چي څه عامل او سبب و چي دی يې د اسلام د سپېڅلي دين منلو ته وهڅوی.

 

نو ورته ويې ويل : ای وروره!

 

ته د (خپل اسلام راوړلو ) کيسه راته وکړه!

 

 

ده ورته وويل : په الله مي دي قسم وي زه په نصراني کورنۍ کي رالوی شوی وم ، له نصرانيت سره مي بې کچي مينه وه ، له عيسی عليه السلام سره مي د زړه له تله مينه لرل ، خو کله چي مي د عيسويانو ( نصرانيانو) اخلاقو ( عقيدې او اعمالو) ته وکتل نو ما وليدل چي دوی د عيسی عليه السلام له لار څخه ډېر اوښتي وه ، نو بيا ما د حق دين لټون پيل کړ ، هغه و چي الله تعالی زما سينه ( د اسلام قبلولو ) لپاره راخلاصه کړل.

 

يوه شپه مخکي له دې چي زه ستاسو مسجد ته داخل شم ، د حق دين او حقانيت په هکله له ډېر ژور فکر کولو وروسته ويده شوم او خوب مي ليده چي په خوب کي مسيح ( عيسی) عليه السلام راته راشي او په سبابه ګوته اشاره راته وکړي دارنګه لکه ما چي (يو څه ته) متوجه کوي او راته يې وويل : محمدي شه ( د سيد الانبياء حضرت محمد صلی الله عليه وسلم دين قبول کړه).

 

زه هم ( سهار وختي ) له کوره راووتلم ، تر څو مسجد پيدا کړم او الله تعالی لار راوښودل او هغه و چي ستاسو مسجد ته درغلم.

 

کله چي د لمونځ کوونکي او نوي مسلمان ځوان خبري خلاصي شوې ، مؤذن راغی او د ماخستن د لمانځه اذان يې وکړ.

 

نوی مسلمان شوی ځوان له لمونځ کوونکو سره د ماخستن پر جماعت ودرېدی ، لومړی رکعت يې لومړۍ سجدې ته ورسوی ، کله چي امام دوهم رکعت ته پورته شو ، ځوان خپل روح خپل کريم او مهربانه رب ته سپارلې و او همداسي پرسجده ويده پاته شو، د څنګ ملګري يې غوښتل چي راپورته يې کړي ( ويې ښوروی) خو ځوان راپورته نه شو.

 

نېکمرغه دي هغوی چي له مرګ مخکي له خپل رب سره جوړه وکړي او خپل مهربانه رب راضي کړي.

 

تبصره
يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.

  که نه لوستل کېږي دلته کليک وکړئ.  

سرته