امر بالمعروف او نهي عن المنكر مه پرېږدی!

لیکنه :مولوي نورالحق مظهري/تعلیم الاسلام ویب پاڼه

ژباړه: د جابر بن عبدالله رضي الله تعالي عنه څخه روايت دی چي رسول اکرم صلي الله عليه وسلم و فرمايل: ندي پاکيږي هغه امت چي د خپل ناتوانه حق د خپل قوي څخه نه اخلي پداسي حال کي چي هيڅ ضرر دي هم و ناتوان ته ونه رسيږي.
توضيح: يعني الله تعالي دي د ګناه څخه نه پاک کوي هغه امت چي هغوی د خپل ضعيف او ناتوان سړي حق د خپل قوي او زورور څخه نه اخلي، پداسي حال کي چي هيڅ تاوان او ضرر دي هم و ناتوانه سړيته ونه رسيږي، يعني په خپل مينځ کي امر بالمعرف او نهي عن المنکر نکوي.

دا و داسي قوم ته د رسول اکرم صلي الله عليه وسلم ښېرا او بدوا ده، ځکه پر پرېښودلو د امر بالمعروف او نهي عن المنکر الله پاک ډير سخت عذابونه مرتب کړيدي چي يو د هغو څخه دغه ښېرا ده چي رسول اکرم صلي الله عليه وسلم يې و دغسي خلګو ته کوي.

چي زموږ  زمانه د همدغه حديث مصداق دی ځکه چي اوس خو د ضعيف او ناتوان د حق اخيستلو غم د هيچاسره نشته إلا ماشاء الله، او که يې بيا کوم څوک اخلي نو ارومرو ورسره ناتوان سړيته ضرر رسيږي.

الله پاک دي د امر بالمعروف مهمه فريضه بيرته په موږ کي را ژوندې کړي او الله پاک دي يو داسي إسلامي نظام راوړي چي د امر بالمعروف او نهي عن المنکر وجيبې ته ځانګړې او خاصه پاملرنه وکړي.

عَنْ جَابِرِ بْنِ عَبْدِ اللهِ، قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: لَا قُدِّسَتْ أُمَّةٌ لَا تَأْخُذُ لِضَعِيفِهَا حَقَّهُ مِنْ قَوِيِّهَا غَيْرَ مُتَعْتَعٍ.[شعب الإيمان 7143]

ماخذ :اسلامی مقالي .

www.taleemulislam.net