زړونه څلور ډوله دي

لیکنه : نصیب الله(ځلاند)/تعلیم الاسلام ویب پاڼه

په مسند احمد کي د رسول الله(ص) ارشاد مبارک دی چي زړونه څلور ډوله دي:

(۱): اول پاک زړه چي د روښانه ډیوې په ډول ځلیږي.
لومړی زړه خو د مؤمن دی چي مکمل روښانه دی.

(۲): دوهم هغه زړه چي د مردارۍ پرده ترې چاپیره وي.
دوهم زړه د کافر زړه دی چي پردې پرې پرتې دي.

(۳): دریم هغه زړه چي چپه وي.
دریم زړه د خاص منافق زړه دی چي په هغه سره د پوهي څخه انکار کوي.

(۴): څلورم هغه زړه چي ګډوډ وي.
څلورم زړه د هغه منافق دی چي ایمان او نفاق دواړه پکښي جمع وي. د ایمان مثال د هغوشنو وښو په ډول دی، کوم چي په پاکو اوبو لوییږي اود نفاق مثال د هغې دانې ننکۍ (مردار دانه)په ډول دی چي په هغه کي نَو او وینه زیاتیږي، نو کومه ماده چي زیاته شوه، هغه پربلي به غلبه وکړي .

ماخذ : پاشلي ملغلري [تسیرابن کثیرج ۱ ص ۸۹ ] 

www.taleemulislam.net