یو څه ملحدین او سیکولران لګیا دي، وای په اختر کي د حیواناتو قرباني کول ظلم دئ. خو دوی ناځوانان تر یوه کمیس شپږ سرونه راباسي:
-که دي ورته وویل، چي په هسپانیا کي هر کال زرګونه غواوي په نیزو ولي او په خورا وحشتناکه ډول ئې وژني.
دوی به درته ووایي: دا یو ډول ملي ورزش دئ.
-که دي ورته وویل، چي د ډنمارک خلک هر کال د "فارو " په نوم جزیره کي لسګونه زره ډولفین ماهیان په بې رحمۍ سره وژني، د بحر اوبه ټولي په وینو سرې سي. حتی ویل کیږي، چي په تېرو دېرشو کالو کي ۸ میلیونه ډولفین ماهین په دې ډول قتل عام سوي دي.
په جواب کي به درته ووایي: دا د ماهیانو د ښکار یو ملي جشن دئ.
-یهودیان هر کال د ”کیپور“ په اختر کي زرګونه چرګان په ډېره ظالمه طریق وژني.
په جواب کي وایي: دا یو ډول دیني او مذهبي مراسم دي.
که دي ورته وویل، چي مسیحیان هر کال زرګونه فیل مرغان وژني.
دوی به جواب کي درته ووایي: دا یو ډول ملي غذا ده.
-که دي ورته وویل، چي امریکا هر کال په میلیونونه انسانان د نړۍ په ګوټ ګوټ کي په ظالمانه او بې رحمه طریقو وژني.
په خندا به درته ووایي: دا د تروریزم سره مبارزه ده.
اوس نو که مسلمانانو پر فقیرانو، وږو او نېستمنو خلکو باندي د خیرات وېشلو په نیت غویي، پسه یا بوزه قرباني کول، نو دوی چیغي وهي، ولي بې ګناه حیوانان وژنی؟
او په سپین سترګی سره زموږ د خیر و کار ته د وحشت نوم ورکړي.
