تعلیم الاسلام ویب پاڼه 

كله چې کوم مسلمان ورور سره مخامخ سی نو د هغه سره د خپلواړیکو د ښکاره کولو او د هغه په لیدو د خوشحالی له امله السلام علیکم وایاست .

په قران مجید کې دی :

 وَإِذَا جَاءَكَ الَّذِينَ يُؤْمِنُونَ بِآيَاتِنَا فَقُلْ سَلَامٌ عَلَيْكُمْ ﴿الأنعام: ٥٤﴾

(ای نبی ! چې کله تاته هغه خلک راسی چې زمونږ پر آیتونو ایمان لری نو هغوی ته السلام علیکم ووایه ).

په دی آیت کې نبی صلی الله عليه وسلم ته په وینا کې په غیر مستقیم ډول امت ته دا زده کړل شوی چې مسلمان کله هم له مسلمان سره مخامخ شي نو دواړه دی د خوښی د ولولو ښکارونه وکړی، او غوره لاره يې دا ده چې يو د بل لپاره د سلامتی او عافیت دعا وکړی، يو السلام علیکم و وایی نو دویم دی په ځواب کې وعلیکم السلام و  وایی، دا الفاظ د خپلمنځی مینی او محبت د زیاتوالی او قایمولو وسيله ده.

د پیغمبر اکرم صلی الله عليه وسلم لارښوونه ده : تاسی خلک جنت ته نسی تللای تر څو چې مومنان نه سی او تاسی مؤمن کیدای نه سی تر څو چې يو د بل سره مینه ونه کړي، زه تاسې ته هغه لاری چاری ولی ونه ښایم، د کومو په غوره کولو چې به تاسې پخپلو منځو کې يو تر بله سره محبت کوي، پخپلو منځو کې سلام خپور کړی .

(مشکوة)

www.taleemulislam.net