لیکنه: ویس احمد ابراهيم / تعلیم الاسلام ویب پاڼه

د سورة مريم لنډه پېژندنه 

 سورة مريم د مصحف او تلاوت په اعتبار ۱۹ سورة دئ او په مکة معظمة کي نازل سوی دئ.

سورة مريم ۹۸ آية او ۶ رکوع دئ.

د دې سورة نوم د ۱۶ آية څخه اخستل سوی دئ، چي الله تعالی فرمايي: (وَٱذْكُرْ فِى ٱلْكِتَـٰبِ مَرْيَمَ إِذِ ٱنتَبَذَتْ مِنْ أَهْلِهَا مَكَانًۭا شَرْقِيًّۭا)

ژباړه: او د مريم ذکر (يعني يادونه) وکه (اې نبي علیه السلام) په کتاب کي، کله چي دا خپل د کورنۍ څخه د شرق (ختيځ) يو ځای ته ولاړه.

په سورة مريم کي لاندي موضوعات ذکر سوي دئ

۱-  د حضرت زکريا (عليه السلام) او د حضرت يحيی (عليه السلام) قصه.

۲-  د بي بي مريم (سلام عليها) او د حضرت عيسی (عليه السلام) د پيدايښت قصه.

۳ -  د حضرت ابراهيم (عليه السلام) خپل د پلار سره مکالمه او د هغو خبرو يادونه.

۴ -  د قيامت ورځ او دوږخ ته د ټولو خلکو په ګونډو کېدل او بيا د هغه کسانو د پاره نجات چي ايمان لرونکي او نيک اعمال ئې تر سره کړي وي.

۵-  الله (رب العزة) په هدايت کي خلکو ته پرمختګ ورکوي او که څوک بله لاره خوښوي، نو الله تعالي په هغه کي ده ته لاره هواروي.

سورة مريم د مسلمانانو د حبشې د هجرت څخه د مخه نازل سوی دئ. د همدې سورة اولنۍ حصه حضرت جعفر (رضي الله عنه) د نجاشي باچاه په دربار کښي تلاوت کړل.

www.taleemulislam.net