رسول الله ﷺ چي مدینې منورې ته هجرت را وکړ نو د جهاد حکم ورته وسو ، رسول الله ﷺ په ډېرو سنګرونو کي د کافرانو سره وجنګېده ، د رسول الله ﷺ په غزاګانو کي یوه د احد غزا وه ، پدې غزا کي مومنان ډېر وژوبل سوه ، رسول الله ﷺ هم پکښي زخمي سو او اویا تنه جلیل القدره صحابه په شهادت پکښي ورسیدل ، د شهیدانو په جمله کي د رسول الله ﷺ بهادره اکا سیدنا حمزه رضی الله عنه هم وو کوم چي رسول الله ﷺ د شهیدانو د کافلې سردار یعني سید الشهداء بللی دی .
د جنګ څخه وروسته ځینو کسانو خپل شهیدان مدینې منورې ته انتقالول خو بیا د رسول الله ﷺ حکم وسو چي ټول شهیدان هم دلته د احد په لمن کي ښخ کړئ ، همداسي وسول ټول هلته په بېلا، بېلو شامیو کي ښخ کړل سول .
د غزاګانو څخه بحث د سیرت د کتابونو موضوع ده خو دلته مو د احد د غره انځور ځکه درته وړاندي کړ چي دا هغه غر دی چي په لمون کي يې د احد شهیدان پراته دي او رسول الله ﷺ وایي :
هَذَا جُبَيْلٌ يُحِبُّنَا وَنُحِبُّه. (بخاري )
ژباړه : دا ښکلی غر دی زمونږ سره مینه لري او مونږ دده سره مینه لرو .
ماخذ: د حج ښه ملګری
