د روژې اجر او ثواب په صحیحو احاديثو کې

راټولونه : مولوي محمد اسحاق تمیم / تعلیم الاسلام ویب پاڼه 

① ابوهریره رضي الله عنه روایت کوي چې رسول الله صلی الله علیه و سلم وفرمايل: کله چې د روژې میاشته  راسي ، د جنت دروازې خلاصي او د دوزخ دروازې بندي سي ، او شیطانان وتړل سي.

"بخاري او مسلم"

② د سهل ابن سعد رضي الله عنه څخه روایت دی ، چې رسول الله صلی الله علیه و سلم و فرمایل: د جنت اته ۸ دروازې دي،  یوه دروازه یي د ریّان په نامه ده چي یوازې روژه نیوونکي پر دې دروازه ننوزي.
"بخاری او مسلم"

③د ابوهریره رضي الله عنه څخه روایت دي چي رسول الله علیه السلام وفرمايل: څوک چي روژه د ایمان او ثواب لپاره ونیسي،  د ده تېر ګناهونه معاف سول،  څوک چي د روژې میاشت د ایمان او ثواب لپاره په عبادت تېره کړي ، تېر ګناهونه یي معاف سول او څوک چي د قدر شپه د ایمان او ثواب لپاره په عبادت تېره کړي،  تېر ګناهونه يي معاف سول.
"بخاری او مسلم"

④ همدغه صحابي بل روایت کوي چې رسول علیه السلام وفرمایل: د ادم د زوی هر نیک عمل په لس ځله تر اووه سوه  درجې پورې رسېږي،  الله (جل جلاله)فرمايي:  "یوازې روژه ده چي هغه زما لپاره ده او  زه  ده ته ثواب په دې روژه سره ورکوم ، ده زما لپاره نفساني خوندونه او خورک بند کړي دي".  د روژاتي لپاره دوې خوشحالۍ دي. یو دا چي کله روژه مات کوي او بل دا چي کله د خپل رب سره ملاقات کوي. د روژاتي د خولې بوی الله(جل جلاله) ته تر مشکو ډېر خوښ دی.  روژه د ګناهو په وړاندې سپر دی. کله چي څوک روژه نیسي نو ښکنځل او بدي دې نه وایي ، که چا ده ته بد وویل او یا یې جنګ ور سره کوي،  نو دی دې ورته ووایي چې زما روژه ده.
بخاری او مسلم.

www.taleemulislam.net