رسول الله صلی الله علیه وسلم فرمایي:إِنَّ الْوَلَدَ مَبْخَلَةٌ مَجْبَنَةٌ مَجْهَلَةٌ مَحْزَنَةٌ. [المستدرک 5284]
یعني اولاد ځای د بخالت، بې غیرتۍ، ناپوهۍ او غمګینۍ دی.
توضیح: یعني اولاد ددې لامل جوړیږي چي انسان دي ددوی په خاطر بخالت وکړي او مال دي په صدقه او خیرات باندي ورنکړي آن تردې چي ځیني خلګ خو د خپل اولاد لپاره فرض زکات هم نه ورکوي.
همدا راز اولاد ددې لامل جوړیږي چي انسان دي بې غیرته سي او د اولاد پخاطر دي جهاد پسې پریږدي ځکه دیری وختونه انسان د خپلو اولادونو په فکر د جهاد څخه پاتیږي.
همدا راز اولاد ددې لامل جوړیږي چي انسان دي ناپوه سي یعنې د اولاد په خاطر دي د علم او پوهي د تحصیل څخه پاته سي، داسي ډېري بېلګي سته چي ځیني خلګ مخکي تردې چي واده وکړي او د اولاد خاوند سي درسونه او سبقونه وایي خو کله چی واده وکړي او اولاد یې پیدا سی نور نو درسونه او سبقونه د همدغه اولاد په خاطر پسې پریږدي.
همدا راز اولاد ددې لامل جوړیږي چي انسان دي غمګینه سي ځکه چی د اولاد د روزۍ، صحت او پالني غم تل ورسره وي او په هر هغه شي باندي غمګینه کیږي کوم چي دده اولاد ورباندي زوریږي.
نو باید د اولاد سره په محبت کی دډېر احتیاط او اعتدال څخه کار واخیستل سي.
ماخذ: اسلامي مقالې
