لیکنه: نعمت الله نعمت/ تعلیم الاسلام ویب پاڼه 

د تشبث هڅونه

د تشبث هڅونه هغه پروسه ده چي سوداګر هڅوي او د خپلو سوداګریزو اهدافو د لاسته راوړلو لپاره د لوړي کچي هڅي کولو ته رسوي.

 په بل عبارت د تشبث هڅونه د یو متشبث په دننه کي د هغه ځواک  چلولو ته اشاره کوي چي د متشبث د داوطلبانه چلند په لور شدت او دوام باندي اغېز کوي، یو هڅونکی متشبث د یوې ځانګړي موخي، ځانګړي لارښود، د یوې ټاکلي مودې او ثبات لپاره د یوې ځانګړي کچي هڅي و شدت ته اړتیا لري.

دا چي هڅونه د دننه حالت په توګه ګڼل کیږي، فعالیتونه پیاوړي کوي او د هدف په لور د چلند لار ښوونه کوي، عمل هڅوي، فعالیت ته دوام ورکوي او د فعالیت بڼه تنظیموي، د هڅوني طبیعت د پورته تعریفونو څخه د هڅوني ماهیت په لاندي ډول څرګندیږي.

لومړی: هڅونه د انسان دننه ده، هڅونه نسي لیدل کېداي، دا د چلند له لاري بهر کیږي، دا انسان د خپل هدف په و لوري تحرک کوي.

دوهم: یوه انګېزه کولای سي د مختلف چلند لامل سي، هغه څوک چي په ټولنه کي د وقار د ترلاسه کولو لپاره یوازینۍ لیوالتیا یا انګیزه لري، ممکن په سیاست کي برخه واخلي، اضافي زده کړي او روزنه ترلاسه کړي، د ورته ډلو سره یوځای سي او خپل ظاهري بڼه بدله کړي.

درېم: مختلفي انګیزې کیدای سي د واحد چلند پایله وي دا هم ممکنه ده چي یو شان یا یو چلند د ډیرو انګیزو له امله رامنځته سي. د بېلګي په توګه که یو څوک موټر اخلي، د هغه دا ډول چلند د مختلفو انګیزو له امله کېداي سي لکه زړه راښکونکي ښکارېدل، د احترام وړ کېدل، د ورته خلګو سره یو ځاي کېدل، د موقف توپیر او داسي نور.

څلورم: محرکات ځي او راځي، انګیزه کېداي سي راڅرګنده سي او بیا ورکه سي، انګیزې چي په یو وخت کي راڅرګندي سوې ممکن په بل وخت کي په ورته شدت سره پاتي نه سي . د مثال په توګه، یو متشبث د خپل لومړني عمر په اوږدو کي د ګټي د اعظمي کولو په اړه ډیر اندیښمن وي ځکه چي متشبث کولای سي خپله اندېښنه نورو لوړو شیانو ته واړوي لکه ټولنیز ژوند، روغتیا، د ښووني او روزني په برخه کي د انساني دوستانه فعالیتونو کي مرسته کول، کله چي په  کافي اندازه ګټه ترلاسه کړي.

پنځم: محرکات د چاپیریال سره اړیکه لري، هغه چاپیریال چي موږ په یو وخت کي ژوند کوو کیدای سي زموږ انګېزه محرک یا فشار کړي، تاسو شاید داسي چاپیریال یا وضعیت تجربه کړی وي، په دې توګه هغه څه چي دا ټول په ګوته کوي دا د انساني چلند د څو قوتونو پایله ده چي د کړو وړو  او ارادې سره  توپیر لري.

د تشبث هڅوونکي عوامل

ډیرو څیړونکو ټول هغه عوامل چي متشبثین هڅوي دننه  او بهرني عوامل په لاندي ډول طبقه بندي کړي.

دننه عوامل

د یو نوي څه کولو لیوالتیا؛

خپلواک کېدل؛

هغه څه ترلاسه کول چي یو څوک یې په ژوند کي غواړي؛ 

د خپلي ونډي پیژندل؛

تعلیمي پس منظر؛

حرفوي پس منظر او په اړونده ساحه کي تجربه.

بهرني عوامل 

د دولت مرسته او ملاتړ؛

د کار او اومو موادو شتون؛

د لویو سوداګریزو خونو څخه هڅونه؛

د محصول لپاره د تقاضا ژمنه؛

بالاخره چارواکي او اولس باید و پوهیږي چي د هیواد پیاوړی اقتصادي نظام جوړول د پیاوړي خصوصي سکتور په جوړولو کي نغښتی دی او ړنګول یې د خصوصي سکتور په ړنګولو کي نغښتی دئ. 

www.taleemulislam.net