لیکنه: سمع الله دُرانی/ تعلیم السلام ویب پاڼه

عشقي ناولونه او شعرونه

د ځوانانو د بېلارۍ لپاره کاذب عشقي ناولونه لیکل او شعرونه ویل د امریکایي استعمار یو بل لوی هدف وو چي د دغه هدف د پوره کېدو لپاره د پردې تر شا، په پټه او په غیر مستقیم ډول لیکوالان دې ته وهڅوي چي د غیر اخلاقي الفاظو، د بې حیایي او فحشاء ډک ناولونه ولیکي او شعرونه ووایي، چي همدا هدف ته تر شل کلن اشغال او اوږدې فکري جګړې وروسته ورسېدل. مخکي چي به لیکوال داسي څه لیکل چي د فحشاء ملوث پیغام به پکښې وو، د شرم احساس به یې کاوه، خو اوس په پوره جرائت سره غیر اخلاقي ناولونه لیکي او جالبه لا دا ده چي د غربي سیکولر فکر خاوندان تجاران همدغسي غیر اخلاقي ناولونه سپانسر کوي او دا د ځان لپاره افتخار ګڼي. په دغه اړخ کي د فکري جګړې ډېره برخه د ژبو او ادبیاتو پوهنځی محصلین هدف ګرځېدلي دي او کله چي بیا د همدغه پوهنځۍ فارغ محصلین له خارجي هیوادونو څخه ماسټری راوړي، نو له فکري اړخه ډېر ځپل سوي وي او اسلامي فکر یې تر شا پرې ایښي وي.

ماخذ: تعلیم الاسلام مجله، اته ویشتمه ګڼه، ۱۷ مخ، ۱۴۰۲ کال. 

www.taleemulislam.net