د (روژه مبارکه) نورې ليکنې
تازه سرليکونه
بېلابېلې ليکنې
د دګناهونو د بخښني مياشت
د دګناهونو د بخښني مياشت
راټولونه : نصیب الله /تعلیم الاسلام ویب پاڼه
د حضرت ابوهريرة (رضي الله عنه) په دغه روايت كښي په دې ډول دي چي دي وايي! نبي کريم (صلی الله عليه وسلم) وفرمايل :
من صام رمضان ايمانا واحتسابا غفر له ما تقدم من ذنبه و من قام رمضان ايمانا واحتسابا غفرله ماتقدم من ذنبه
ترجمه : چا چي د روژې د مياشتي روژه ونيول د ايمان او د ثواب د يقين سره د هغه ټوله مخکي ګناهونه معافيږي او چاچي د روژې د مياشتي په شپو كښي قيام (لمونځ، تراويح او اذکار) وکړل د ايمان او د ثواب د يقين سره د هغه مخكني ګناهونه معافيږي.
په دغه حديث مبارک كښي د روژې د مياشتي په روژه نيولو سره د مخكني ګناهونو د معافي وعده وسول، او هم د روژې د مياشتي په شپو کي د تراويحو او نفل کولو فضيلت وښودل سو په دغه سره هم د مخکني ګناهونو د بخښني وعده ورکړل سول.
ليکن دا فضيلتونه په هغه صورت کي دي چه روژه حقيقي روژه وي.
علماء فرمايي چي روژه د شپږو شيانو وي.
1. دسترګو: چي سترګي د هر هغه شي د كتلو څخه وساتي چي ليدل او كتل ورته ناروا وي.
2. دغوږو: چي د غيبت اورېدلو او د سروز اورېدلو څخه ځان وساتي .
3. د ژبي : د درواغو ويلو، غيبت کولو، ښکنځل کولو، او د بې معنى او بېکاره خبرو څخه ځان ساتل .
4. د نوربدن: چي په لاس سره غلا او ظلم نه وکړي او پر پښو باندي يو ناوړه ځاى ته تګ او د ګناه ځاى ته د ورتګ څخه ځان وساتي.
5. دحرامي غذا څخه پرهيز كول او حلال هم څومره چي كېداي سي ډېرکم وخوړل سي تر څو د روژې انوار او برکات حاصل کړل سي .
6. بيا دي بيره ولري چي الله تعالى (جل جلاله) خبر چي دغه روژه به قبوله سي او که نه سي قبوله. كېداي سي چي يوه غلطي به سوي وي، مګر د دغه بيري سره سره الله تعالى ته اميد کول په كار دي.
د خاصو او مقربو بندګانو لپاره د دغه شپږ شيانو برسېره يو شى بل هم دى هغه دا چي د حق تعالى (جل جلاله) څخه ماسوا د هر طرف څخه زړه را وګرځوي، تر دې اندازې چي كه چيري د روژه مات لپاره څه نه وي هم بايد دده زړه صرف د الله تعالى وه طرف ته متوجه وي.
مفسرين ليکي چي په ( کتب عليکم الصيام ) کي د انسان پر هره عضو باندي روژه فرض سوې ده، هغه داسي چي د ژبي روژه داده چي روژه نيونكي خپله ژبه د درواغ او غيبت څخه وساتي، او د غوږو روژه دا ده چي د ناروا شيانو د اورېدلو څخه پر هيز وسي، دسترګي روژه د بد نظري څخه حفاظت کول او د نفس روژه د حرص ا و نفساني خواهشاتو څخه ځان ساتل دي، او د زړه روژه د دنيا دمحبت څخه ځان ساتل دي، او د روح روژه داده چي د آخرت د لذتونو خواهش هم نه کوي، او د سترګو خاص روژه داده چي د حق تعالى ماسوا پر هيچا باندي يې نظر نه وي.
ماخذ : دروژې فضایل او احکام
www.taleemulislam.net
ورته ليکنې:
تبصره
