د (فتوا حديث او سنت) نورې ليکنې
تازه سرليکونه
بېلابېلې ليکنې
فتوا: په موبایلو کي حدیث او ږیره خریل
تعليم الاسلام دارالافتاء
مسلسله شمېره : (۴۳۷)
نوم: پښتون جان
سوال : زما داپښتنه ده چی په موبایلونو کی دحدیث شریف استول ګناه لری اوکه نه اوبل که یوچا ږيرره یواری پریښول اوبیایی بيرته وخرول داڅنګه ګناه لری ؟
جواب : محرته وروره! په موبايلونو کي یو بل ته د حديث شريف استول او ليکل ګناه نه لري بلکي ثواب لري ،نبى عليه الصلوة والسلام فرمايي: بَلِّغُوا عَنِّي وَلَوْ آيَةً (۱). یعني تاسو زما خبري رسوي خلګو ته که څه هم لږ يوه خبره وي.
د دوهمي پوښتني جواب دادى چي د ږيري پريښوول د یوې قبضې(يو موټ)په اندازه واجب دي او د ږيري خريل سخته ګناه ده ځکه ږيره پريښول د ټولو انبياء عليهم الصلوة والسلام طريقه ده او خريل يې د کفارو سره مشابهت دى .(۱)
جواب: مولوي رفيع الله غریب
الجواب صحيح : مولوي سيد عبدالهادي آغا او مولوي سيد عبدالباري
تعليم السلام دارلافتاء
کندهار افغانستان
ـــــــــــــــــــــــــــــــــــــــــــــــــــــــــــــ
(۱): رواه البخاري، زاد الطالبين ، ص٢١ .
(۲):وفي السلم، عَنْ أَبِى هُرَيْرَةَ قَالَ قَالَ رَسُولُ اللَّهِ صلى الله عليه وسلم: جُزُّوا الشَّوَارِبَ وَأَعْفُوا اللِّحَى خَالِفُوا الْمَجُوسَ. باب خصال الفطرة
(۳): قال صاحب فتح القدير: القدر المسنون في اللحيه القبضة ، بضم القاف، قال في النهاية: وما وراء ذلک يجب قطعه هکذا عن رسول الله صلي الله عليه وسلم انه کان ياخذ من الحية من طولها وعرضها. اورده ابوعيسي يعني الترمذي في جامعه، رواه من حديث عبدالله بن عمر ابن العاص (رض).
ورته ليکنې:
تبصره
