د (نکاح) نورې ليکنې
تازه سرليکونه
بېلابېلې ليکنې
د طلاق عده (نکاح)
را واده سوي ښځي ته که رجعي طلاق یا بائن طلاق ورکول سي یا د طلاق څخه پرته د کومی بلي وجهي لکبله يې تر منځ د نکاح اړیکي ختمي سي دا ښځه به د طلاق عده تېروي .
د طلاق عده د ځینو ښځو دا په درو حيضونو سره پای ته رسیږي او د ځینو دا بیا د درو میاشتو په تېرېدلو پای ته رسیږي او د ځینو دا بیا د اولاد په زېږدوني پای ته رسیږي .
که د ښځي اولاد په نس وي او د حمل په مده کي طلاق ورکول سي نو دا ښځه د وفات د عدې په شان د اولاد د زیږوني تر مهاله په عده کي ده ، څه مهال چي اولاد یې وزیږي نو د لنګون سره جوخت یې عده هم وپای ته رسیږي .
حامله ښځه که د طلاق ورکولو څخه وروسته فقط یو ساعت وروسته لا هم لنګه سي بیا یې هم عده پای ته رسیږي او د بل سړي سره نکاح تړلای سي او که لنګون یې اته او نهه میاشتي و ځندیږي بیا يې عده د لنګون تر وخته اوږدیږي .
کومو ښځو ته چي د وړکتوب یا بوډاتوب لکبله حیض یعني میاشتنۍ ناروغي نه پیښیږي د هغوی د طلاق عده درې میاشتي ده ، د طلاق ورکول کېدلو څخه وروسته چي درې میاشتي پر تېري سي نو عده یې پای ته رسیږي .
هغه ښځي چي میاشتنۍ ناروغۍ ورته پیښیږي او اولاد یې په نس نه وي که طلاق ورکول سي نو د هغوی عده د درو حیضونو په تېرېدلو وپای ته رسیږي .
د یادوني وړ ده چي هغه ښځه چي فاسده نکاح ورسره تړل سوې وي ، یا په تېروتنه او اشتباه کي جماع ورسره سوې وي د هغي د بېلتون او وفات عده فقط یو حیض دی او د یوې میاشتنۍ ناروغي په تېرېدلو يې عده پای ته رسیږي .
--------------------
ماخذ: فقه المبتدي، دوهم ټوک- نکاح
مؤلف: مولوي محمد عمر خطابي
ورته ليکنې:
تبصره
