د (نيکمرغه مېرمن) نورې ليکنې
تازه سرليکونه
بېلابېلې ليکنې
د حيا يوه ستره بېلګه
رالېږونکی: حمد دانش
فاطمه رضي الله عنها د نبي کریم صلی الله علیه وسلم د زړه ټوټې چي کله د رنځ په بستر قرار درلود نو د بيمار پرسې له پاره ورته اسما بنت عميس رضی الله عنها راغله له بيمار پرسۍ پس مبارکي فاطمې رضی الله عنها خپلې اوښلني سترګې د اسماء رضی الله عنها په لور ور واړولې او ويې ویل:
اسما رضی الله عنها زه دا ډېره بده ګڼم چي يوه ښځه له مرګه څخه د پردو نارينه وو په اوږو بار وي او يا يې په وړاندي پرته وې په داسي حال کي چي د تن ، بدن انعکاس يې له ورايه کيږې.
اسماء رضی الله عنها: ای د نازولي پيغمبر صلی الله علیه وسلم د زړه ټوټې موږ د هجرت په کور حبشه کي داسي نعش (جنازه ) ليدلې چې د انسان د اعضاوو (اندمونو) انځور نه ښکاره وي ؛ درته به يې جوړ کړم ، له لندو تاندو يې يو شکل ورته جوړ کړ ، او بيايې کپړه پرې واچوله د (کجاوې) په توګه يې د ښځي ټول تن مستور ساتی ، مبارکي "بي بي " يې په ليدلو ډېر د خوښۍ اظهار وکړ ، او ويې ويل : اوس نو د نر او ښځې توپېر له ورايه معلومیږي.
او ويې فرمايل: اللهم استرها کما سترتني.
ژباړه : ای الله ! ته نوموړي بي بي مستوره ، پرده دار ه کړې ، لکه چي زه يې مستوره کړم.
که د دې مبارکي تېر بيان شوي حالت ته ځير شو نو ويلای شو چي د پوره حيا برخمنه وه ، د مرګ په مهال يې هم ستر ، حجاب ، حيا د ځان له پاره اړين ګام باله.
ايا د ننني عصر ښځي چي د اسلام تر چتر لاندي هم قرار لري , او د عيش او عشرت له پلوه بډايې دي الله جل جلاله به په لرونکي ستر ، حيا ، سنګار ، صورت ، سيرت ، تقوی ، د نوموړو مقام خپل کړي؟ کلا، ثم کلا، ثم کلا. (د اوس وخت ښځي باید نهايي زیات کوښښ وکړي تر څو د ستر د ستر عزتمند حکم په واسطه ځان ته لوړ مقام حاصل کړي).
صلاح البيوت: ج۱، ص ۲۸۶
ورته ليکنې:
تبصره
