د ځان او اولادونو استعداد او حافظه څنګه قوي کړو؟
لیکنه : مولوي نورالحق مظهري/ تعلیم الاسلام ویب پاڼه
ځیني خلګ پدې خبره باندي بسنه کوي چي زموږ اولاد او یا ځوانان ذاتًا ټنبلان دي په زیار ایستلو باندي نه سمیږي نو ځکه یې د استعداد په لوړولو او د فکري وړتیا په پورته کولو کي هیڅ کار نکوي.
سره ددې چي وروستیو تحقیقاتو ښودلې ده چي په ډیرو ماشومانو کي د استعداد لوړوالی ذاتي نه بلکي اکتسابي دی، په زیار ایستلو باندي قوت او چټکتیا پیدا کولای سي.
۱ ـ مور او پلار کولای سي خپل اولاد د مطالعې او هغه شیانو سره عادت کړي چي استعداد او ذهني زېرکتیا یې ورباندي ډېرېدلای سي.
۲ ـ خپلو اولادونو ته دي د زیرکو او پوهو انسانانو خوندوري قیصې وکړي تر څو هغوی هم د داسي قیصو پیدا کولو ته وهڅیږي.
۳ ـ مدرسه او استاد هم باید پر مطالعې باندي د شاگردانو پر باعث کولو پوره پاملرنه وکړي.
۴ ـ په ذهن کي باید بدو او ناوړو شیانو ته ځای ورنکړل سي، تر څو چي امکان ولري باید د ټلویزیون، ټلیفون او نورو شیانو څخه چي ذهن ته تشویش پیدا کوي ډډه وکړي په خاصه توګه سهار وختي او مخکي تر درس.
۵ ـ کومي ښځي چي د خپلو مخونو او ورېځو ویښتیان کاږي حافظه یې نسبت و هغو ښځو ته کمه وي چی دا کار نکوي.
۶ ـ یخ طبیعته شیان لکه: مستې، مولۍ، کروت، بادرنګ او داسی نور ډیر استعمال یې حافظه کموي.
۷ ـ څوک چي تل په اوداسه باندي ګرځي حافظه یې نسبت و نورو خلګوته ډیره وي.
۸ ـ د قرآن شریف تلاوت حافظه ډیروي.
۹ ـ د موسیقۍ او موسیقۍ ته ورته نورو شیانو غوږ ایستل حافظه کمزورې کوي.
۱۰ ـ د کتاب مطالعه حافظه قوي کوي.
۱۱ ـ د یوې موضوع اړوند داسي اماده ګي نیول چي هغه دیادو وویل سي حافظه قوي کوي.
۱۲ ـ هغه فكرونه چي د انسان ذهن ورباندي منفي چارچ اخلي لکه: حسد، کینه، بغض او داسي نور هم د انسان ذهني وړتیا ستونزمنه کوي.
۱۳ ـ د خوږو شیانو او شیریني باب خوړل حافظه ضعیفه کوي.
۱۴ ـ د سختو عباراتو حل کول او یاهم د ذهني پوښتنو ځوابول د ذهني وړتیا په لوړ والي کي ډیر مهم رول لري.
۱۵ ـ د بادامو استعمالول حافظه ډیروي البته ده ورځي تر پنځه شپږ بادامو پوري.
۱۶ ـ د ماسا چوست لوول پوهنتون څیړونکي وایي: د سیبو د اوبو خوړل هم حافظه قوي کوي.
۱۷ ـ د شپې لخوا لږ ډوډې خوړل هم د حافظې په ډیروالي کي ډیر تأثیر لري.
۱۸ ـ د ډاګټرانو په وینا د ویټامین ب کمپلس استعمال هم حافظه ډیروي.
ماخذ : اسلامي مقالي
www.taleemulislam.net
