دعوت کوونکي دي اجتماعي نېکۍ هم کوي

تعلیم الاسلام ویب پاڼه 

له حضرت ابوهريره رضی الله عنه څخه روايت دی، چي رسول الله  صلی الله عليه وسلم وفرمايل : په تاسو کي نن چا روژه نيولې ده؟  حضرت ابوبکر رضی الله عنه وفرمايل : مانيولې ده، بيايې وفرمايل  په تاسو کي نن چا د ناروغ پوښتنه کړې ده؟  حضرت ابوبکر رضی الله عنه وفرمايل: ما د ناروغ پوښتنه کړې ده.

رسول الله صلی الله عليه وسلم بيا پوښتنه وکړه ، چي نن چا په مسکين خوراک کړی دئ؟ حضرت ابوبکر رضی الله عنه وفرمايل : ما په مسکين خوراک کړی دئ.

رسول الله صلی الله عليه وسلم بيا پوښتنه وکړه، چي په تاسو کي نن چا د چا په جنازه کي ګډون کړی دئ؟ حضرت ابوبکر رضی الله عنه وفرمايل:  ما ګډون کړی دئ.

رسول الله صلی الله عليه وسلم  وفرمايل: چي څوک په يوه ورځ کي دا ټول کارونه وکړي هغه به خامخا جنت ته ځي.

ماخذ ( حياة الصحابه ، ج ۲ ، ص: ۶۴۸ )

www.taleemulislam.net