رالېږونکی: عزت الله

يوکس پوښتنه ورڅخه وکړه چي حق تعالي په قرآن شريف کي ددعا د قبلولو قول کړی دی: (( ادْعُونِي أَسْتَجِبْ لَكُمْ )) مګر موږ د ځينو کارونو لپاره له ډيري مودې څخه دعا کوو نه قبليږي ، ددې وجه څه ده ؟
ابراهيم بن ادهم رحمة الله عليه وفرمايل: ستاسي زړونه مړه سوي دي او د مړو زړونو دعا نه قبلېږي.

د زړه د مړ کېدو لس سببونه دي:

اول: دا چي تا حق تعالي وپېژندئ خو د هغه حق دي ادا نه کړی.

دويم : دا چي تا د الله کتاب ووايه خو پر هغه دي عمل و نه کړی.

دريم: دا چي تا د نبي عليه السلام د ميني دعوه وکړه خو د نبي عليه السلام سُنت دي پرېښدل.

څلورم: د شيطان د دښمنئ دعوه دي وکړه خو په کارو کي دي هغه له ځان سره شريک کړ.

پنځم: تاسي واياست چي موږ د جنت غوښتونکي يو خو د هغه لپاره عمل نه کوئ.

دارنګه پنځه شيان يې نور وشمېرل.

د دغه حکايت د نقلولو څخه غرض دادئ، چي ابراهيم بن ادهم رحمة الله عليه د سُنت پرېښودل د زړه د مرګ سبب ګرځوي. 

ماخذ: سنت او بدعت