لیکنه: ویس احمد ابراهيم / تعلیم الاسلام ویب پاڼه

د سورة الجمعة لنډه پيژندنه

سورة الجمعة د مصحف او تلاوت په اعتبار ۶۲ سورة دئ، چي د هجرت وروسته په مدينة منورة کي نازل سوی دئ.

سورة الجمعة ۱۱ آية او ۲ رکوع لري.

د دې سورة نوم د ۹ آية څخه اخستل سوی دئ، چي الله تعالی فرمايي:

يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ

ژباړه: اې مؤمينانو، کله چي د جمعې د ورځي د لمانځه له پاره را وبلل سئ (يعني اذان وسي)، نو د الله تعالی د ذکر له پاره راسئ (په چټکۍ سره) او کاروبار پرې ږدئ، همدا ستاسو له پاره خير دئ که تاسو پوه سئ.

په سورة الجمعة کي لاندي موضوعات ذکر سوي دي

۱-  هر څه چي په مځکه او آسمانونو کي دي د الله تعالی تسبح (پاکي) بيانوي او ټول صفتونه الله لره دي.

۲-  الله (رب العزة) په ٱلْأُمِّيِّـۧنَ (بې سيواده خلګو) کي رسول راواستوی، تر څو دوی پاک کي، کتاب، علم او حکمت ور زده کړي.

۳-  هغه يهود چي د تورات کتاب ورکړل سوی وو، خو عملي ئې نه کړئ، د خره په شان دي چي مازي کتابونه پر بار وي.

۴-  اې يهودانو که تاسو په حق ياست، نو د مرګ خواست وکړئ، خو هيڅکله به دوی د مرګ آرزو (او تمنا) و نه کړي.

۵-  اې مؤمينانو! کله چي د جمعې د لمانځه له پاره آذان وسي ، نور کاروبار ور ته پرې ږدئ، لمانځه ته ولاړ سئ. او د لمانځه وروسته په مځکه کي منتشر سئ او د الله تعالی د فضل تلاش وکئ.

www.taleemulislam.net