د (حکايات) نورې ليکنې
تازه سرليکونه
بېلابېلې ليکنې
د شیطان سپارښتنه خپل زوی ته
لیکنه: مولوي نورالحق مظهري /تعلیم الاسلام ویب پاڼه
د شیطان سپارښتنه خپل زوی ته
روي عن معاذ بن جبل و عبد الله بن عمر أن إبليس يقول لولده زلنبور سر بكتائبك فأت أصحاب الأسواق زين لهم الكذب والحلف والخديعة والمكر والخيانة وكن مع أول داخل وآخر خارج منها. [احیاء علوم الدین].
ژباړه: د معاذ بن جبل او عبدالله بن عمر رضی الله عنهما څخه روایت دی چی شیطان خپل زوی "زلنبور" ته وایی: خپلی لښکري یوسه د بازار خاوندانوته ( یعنی په بازارکي معامله کوونکوته )،
نو دوی ته ښایسته کړه درواغ، قسم اخیستل، د خلګو خطاء ایستل، چم او خیانت، او د لومړني راتلونکي او وروستني وتونکي سره ملګری سه.
توضیح: یعني د دې لپاره چي شیطان په بازارکي معامله کوونکي خلګ ډېر وغولوي او په هغوی باندي ډېر ګناهونه وکړي، نو خپلو زامنو ته وایی: ولاړشئ کوم خلګ چي بازار ته راځي هغوی ته هر ډول ګناه ښایسته کړئ لکه درواغ ویل، قسم اخیستل، د بل مسلمان ورور دوکه کول،
ومشتري او یا بل چاته چم او دوکه ورکول او خیانت کول، او د هغه چا ملګري شئ کوم چي بازار ته ترټولو مخکي راځي او تر ټولو وروسته ځي، یعني کوم څوک چي په بازار کي ډېر وقت (وخت) تېروي نو د هغه سره ملګري سئ.
یادونه: په " إحیاء علوم الدین " کي راځي : د شیطان پنځه اولاده دي:
۱ - زَلَنْبُورَ
۲ - دَاسِمٌ
۳ - ثَبْر
۴ - أَعْور
۵ - مِسْوَطٌ
دا پنځه اولاده هر یو ځانته وظیفه لري د " زلنبور" وظیفه دا ده چي په بازار کي خلګ خطاء باسي او خلګو ته د ګناه د کولو وسوسه ور واچوي او ګناه ورته ښایسته کړي.
--------------------------
مأخذ: إحیاء علوم الدین
ورته ليکنې:
تبصره
