د نېکي مؤمني ښځي صفات/ ژباړه غلام عمر عبدالله

سرچینه: تعلیم الاسلام ویب پاڼه

ای مسلماني خوري !!!

ته ددې امت ګاڼه يې ، ته د اسلام د سپېڅلي دين ساتنه کوې ، ته د اسلامي ټولني قلعه ( کلا) او سپر ئې ، ته د احسان او ايمان ساتونکې او پټونکې يې. نو راځو تر څو د نېکي مؤمني ښځي صفات وپېژنو.

۱ - عقیده ؛
د يوې مؤمني ښځي عقيده بايد د اهل السنة والجماعت پر عقیدې جوړه وي.

۲ - منهج ؛ 
مؤمنه ښځه هغه تګلاره بايد غوره کړي چي الله ورته فرمايلې وي ، د الله رسول صلی الله عليه وسلم ورته ښودلې وي ، صحابه کرامو ، تابعينو ، تبع تابعينو او نور صالحينو عمل پرې کړی وي.

۳ - اخلاق ؛
مؤمنه ښځه باید د اسلام سپیڅلي اخلاق خپل کړي.

۴ -  آداب ؛
حياء ، پاک لمني ، پاکي ، ستر او پرده باید د مؤمني ښځي د ژوند آداب وي.

۵ -  د ژوند کولو نمونه ؛
مومنه مېرمن باید په خپل ژوند کي د مؤمنانو ميندي ( امهات المؤمنين) ، صحابيات رضي الله عنهن ، او نوري صالحي مېرمني د ځان لپاره د ژوند کولو نمونې غوره کړي.

۶ - ملګرتوب ؛
مومنه مېرمن باید د ټولو هغو مؤمنو او مسلمانو ښځو سره ملګرتوب وکړي چي د الله د دين پابندي وي.

۷ - دښمني ؛
مومنه مېرمن باید له يهودانو ، عيسويانو ، مشرکينو ، منافقينو ، سيکولریستانو او ټولو هغو کسانو سره دښمني غوره کړي چي د ښځي بې ستري ، بې عفتي او له اسلام څخه د ښځي لېريوالی غواړي.

۸ - کرکه ؛
مؤمنه مېرمن باید له ډمانو ، سندرغاړو ، هغو مجلو ، رسنيو سره کرکه ولري چي بې ستره انځورونه ، فلمونه ، د بې لارۍ مضامين او هغه څه خپروي چي د دې رب جل جلاله پرې ناراضه کېږي.

۹ - حرص ؛
مومنه مېرمن باید پر رښتيني او شرطونو برابري توبې ايستلو حريصه وي .

۱۰ -  واده ؛
د مومني مېرمني واده باید له رقص ، ډمانو ، سندرغاړو ، د نارينه او ښځو له اختلاط څخه خالي  وي مګر دا چي په مباح او جايزو خوشحاليو سره ولمانځل شي.

۱۱ -  هيله ؛
د مؤمني مېرمني هیله باید دا وي چي داسي يو نسل وروزي چي پر صحيح اسلام برابر وي ، تر څو يوه جنتي کورنۍ ترې جوړه شي.

۱۲ - اضافي وخت ؛
مومنه مېرمن باید خپل اضافي وخت د قران کريم په حفظ ، د ګټور علم په ترلاسه کولو او په مشروع تفريحي کارونو کي مصرف کړي.