د خواصو په خرابي سره په عوامو کي خرابي راځي
لیکنه : نصیب الله /تعلیم الاسلام ویب پاڼه
د امت محمدي پنځه طبقې دي چي کله په دوی کي خرابي پيدا سي نو ټول چاپيریال خرابیږي .
یوه ورځ مسیب بن واضح ته عبد الله بن مبارک (رح) وویل : تاته معلومه ده چي عامه خرابي او فساد څنګه پيدا کيږي ؟
مسیب وویل : زه علم نه لرم ، وې فرمایل : د خواصو په خرابي سره په عوامو کي خرابي پيداکيږي بیا یې وفرمایل دامت محمدیه پنځه طبقې دي کله چي په دوی کي خرابي پيدا سي نو ټول چاپيریال خرابیږي.
(۱): عالمان : دا دپيغمبرانو وارثان دي خوچي کله د دنیا حرص اوطمع په دوی کي زیاته شي نوبیا به څوک خپل مقتدا جوړول کیږي.
(۲): سودا ګر: دا دالله تعالی امانتګر دي ، کله چي دوی خیانت پيل کړي نوبیا به څوک آمین ګڼل کیږي.
(۳): مجاهدین: دا دالله تعالی میلمانه دي ، کله چي دوی د غنیمت د مال څخه غلا پيل کړي نوبیا به پردښمن څرنګه فتح حاصلیږي.
(۴): زاهدان: دا دځمکي اصلي باچاهان دي ، کله چي دا خلګ بدکاره شي نوبیا به دچا تابعداري کيږي.
(۵): حاکمان: دا دمخلوق نګرانان دي ، کله چي دا د رمې سپي یا شرمښ شي نوبیا به د رمې حفاظت څوک کوي.
ماخذ : پاشلي مرغلري
