تازه سرليکونه
د (ستاسو ليکني) نورې ليکنې
تازه سرليکونه
بېلابېلې ليکنې
ډېر ولور په نوې بڼه
  تعلیم الاسلام ویب پاڼه
  April 4, 2021
  0

ډېر ولور په نوې بڼه


لیکنه : مولوي نورالحق مظهري / تعلیم الاسلام ویب پاڼه 


دا معلومه خبره ده چي ډېر ولور زموږ په ټولنه کي يو غلط فرهنګ دی چي ځوانان او ځواناني يې د ډېرو ستونزو سره مخ کړيدي له همدې امله د ځواني طبقې غمخورو علماو او مشرانو تل په ډېرو ځايونو کي د ډېر ولور پر ضد خپل ږغ پورته کړی دی.


تر ډېره بريده اوس الحمدلله خلګ پوه سوي دي او د ډېر ولور ايښودل يې پسې پرې ايښي دي خو له بده مرغه چي دا ټولنه د يوه مصيبت څخه نه وي خلاصه سوې چي بل مصيبت ورباندي راسي، د يوه غلط رواج څخه يې سم نجات نه وي پيدا کړی چي بيا بل غلط رواج پکښې عام سي چي يو د تازه غلطو رواجونو څخه په نوې بڼه د ډېر ولور ايښودل دي.


اوس په ځينو خلګو کي داسي رواج پيدا سوی دی چي د نکاح د عقد تړلو په وخت کي دوه یا درې لکه افغانۍ مهر ايږدي چي دا پيسې به د زوم لخوا خوسر ته نغدي ورکول کيږي نور نو خوسر په هيڅ شي باندي کار نه لري د ټولو مراسمو او کور رانیولو لګښت  به زوم يا د زوم کورنې ورکوي.


کڅه هم دوی پدې طريقه باندي داسي ښکاره کوي چي ګويا موږ مهر لږ ايښی دی خو په اصل کي بيرته د پخوا په څېر ډېر ولور ورڅخه جوړيږي ځکه که ټول مهر د پخوا په څېر پنځه يا شپږ لکه افغانۍ کښېښودل سي د مصارفو د ايستلو وروسته هغه دوه يا درې لکه افغانۍ خوسر ته پاتيږي، نو داسي ويلای سو چي دا هم د ډېر ولور ايښودل دي خو په نوي او تازه تاکتيک.


هيله مند يو چي زموږ مسلمانان د نکاح په کولو کي پيسې له پامه وغورځوي بلکي د ځوانانو ژوند او د نکاح برکت په پام کي ونيسي!


ماخذ : اسلامي مقالي 


www.taleemulislam.net

 

سرته