تعلیم الاسلام ویب پاڼه 

د قاضي ایاس په اړه ابراهیم بن عرزوق بصري رح بیانوي چي: مخکې له دې چي  ایاس بن معاویه رح قاضي سي، یوه ورځ موږ ورسره ناست وو. 

په دي وخت کي یو کس راغي او مخامخ په يوه لوړ ځای کېښناستي !  او لارويانو ته يې په ځیرځیر کتل پیل کړل. لږ ځنډ وروسته، هغه سړی له خپل ځایه را پورته سو او په یوه لاروي پسې ور روان  سو . او د هغه څېرې ته له کتلو وروسته بېرته را وګرځیدي  او په خپل پخواني ځای کېښناستي . ایاس بن معاویه رح هغه ته وکتل او ویې ویل:  دا سړی څه غواړي ؟

خلکو وویل: تاسې يې ووایئ ؟

ایاس بن معاویه رح: دا سړی ماشومانو ته درس ورکوي او په يوه سترګه ړوند غلام يې ورک سوي دی، د هغه په لټون پسې راوتلي دی.
د نوموړي پر دې خبره له موږ څخه یو کس ولاړ سو  او له هغه سړي څخه  يې پوښتنه وکړه:

تاسې  د څه شي په لټه کې ياست ؟

هغه وویل : زما یو غلام ورک سوی دي، د هغه په لټه کې یم.

ترې يې وپوښتل: هغه غلام څنګه وو؟ هغه د خپل غلام ډېرې ځانګړنې ورښودې او په آخر کې یې وویل چې يوه سترګه هم نسته.
ورڅخه مي و پوښتل: ته څه کار کوي   ؟

و يي ویل:کوچنیانو ته درس ورکوم.

موږ حیرانه سوو او له ایاس رح نه مو وپوښتل چې: تاسې په دې ټولو خبرو څنګه پوه سوئ ؟

ایاس بن معاویه رح وفرمایل: کله چې دا شخص دلته راغی، نو ومې لیدل. د ځان لپاره د يوه مناسب ځای په لټه کې وو. او په پای کې يې داسې ځای وټاکه. چې په دې ساحه کې تر ټولو لوړ وو. ما د ده حالت ته . وکتل نو د شاهي کورنۍ غړی راته ښکاره نه سو. 

نو ما فکر وکړ چې داسې بل څوک کېدای سي چې د د پاچاهانو خوښېږي ؟ له ډېر چورت وروسته مې فکر ته راغلل چې دا خوی یوازې د ماشومانو په ښوونکي کې وي. له دې څخه  سوم چې دا شخص ښوونکی دی.

موږ وپوښتل: او د غلام په کیسې څنګه پوه سوی؟

ایاس رح ځواب ورکړي: په همدې وخت کې دې کس د یوه معمولي حیثیت لرونکي داسې لاروي د څېرې په لیدو پسې ورغی چې يوه سترګه يي نه وه. نو پوه سوم چې دي خپل غلام لټوي او غلام یې هم په يوه سترګه ړوند دي.

ماخذ : یوه دنیاخبرې 

www.taleemulislam.net