لیکنه: انجینر محمد اسلم اسلم/ تعلیم الاسلام ویب پاڼه
د قربانۍ اختر
د قربانۍ اختر چي په شریعت کي ورته لوی اختر ویل کيږي لمانځل یې یو شرعي او اسلامي اصل دی، پکار ده چي دا اصل د اسلامي شریعت په رڼا او افغاني ښه دودونو په چوکاټ کي ولمانځل شي.
د قربانۍ اختر ته ځکه د قربانۍ اختر ویل کيږي چي په دې کي یو عظیم سنت چي سنت ابراهیمي دي هغه ادا کيږي، په دې معنی چي د ابراهیم علیه السلام هغه سنت چي خپل د زړه ټوټه ( زوی) یې حضرت اسماعیل علیه االسلام قرباني کړ.
د قربانۍ اختر ته عربې ژبه کي عید الضحی، دري کي ورته عید سعید قربان او په پښتو کي ورته ځينې پښتانه لوی/ غټ اختر او ځينې ورته بیا د قربانۍ اختر وایي.
د قربانۍ په اختر کي نه تنها چي د مال قرباني کيږي؛ بلکي مسلمانه ته هم باید د ځينو شیانو قرباني ورکړي، چي دا قربانۍ په لاندي ډول دي.
د مال قرباني
د مال قرباني که څه هم سخته ده؛ ځکه ځيني یو چاته له ځانه هم مال ګران وي؛ خو مسلمان ته پکار ده چي د مال او ځان دواړه قرباني د اسلام لپاره ورکړي.
د مال قرباني په دې معنی چي تاته الله تعالی کوم مال درکړي دی، ته باید له هغې څخه د نصاب له پوره کيدا سره زکات او د خپل وس مطابق صدقات ورکړي.
د زکات حساب خو معلوم دی چي د یوه کال په تېریدا سره به د خپل مال څخه چي کله نصاب ته ورسیږي، ورکوي اما صدقات بیا څه وخت چي دي وس او زړه وو ورکولای یې شي.
د مال په قربانۍ کي تر ټولو مهمه قرباني چي د لوی اختر په شپو روځو کي ادا کیږي هغه د مال حلالول دي چي د اسلامي شریعت په رڼا کي به ترسره کيږي، د دې قربانۍ اجر او ثواب ډېر زیات حتی د مال د وړیو او ویښتانو له شمېر هم ور اخوا دی؛ نو مسلمانه وروره او خورې کوشش وکړه چي د لوی اختر په دې شپو ورځو کي د مال د ټولي قربانۍ سره سره د څاروي د مال قربانۍ هم وکړه؛ څو ابراهیمي سنت ژوندي او ثوابونه ترلاسه کړي.
د ځان قرباني
د ځان قرباني هم د مال د قربانۍ غوندي سخته ده ؛ خو د دې قربانۍ په کولو سره یې ستر اجر مسلمان انسان تر لاسه کوي. د ځان قرباني په دې معنی چي ته خپل خوږ ځان د الله جل جلاله لپاره قرباني کړي، هغه که دې جهاد له لارې وي او که د حج په شمول نور ځان عبادات وي، د دې ټولو ځاني عباداتو په وسیله کولای شي چي د خان قرباني ترسره کړي.
د ځاني قربانۍ په نتیجه کي ټولې قربانۍ را منځته کيږي؛ نو کوشش پکار ده چي د خپل وس مطابق ځاني قربانۍ وکړو؛ څو مو الله جل جلاله دا او هغه دنیا روښانه او ښایسته کړي.
