ژباړه: سمیع الله درانی/ تعلیم الاسلام ویب پاڼه 

څنګه خپله علمي سطحه لوړه کړو؟ 

علمي سطحه په دوو شیانو پرمختګ کوي: یو مطالعه، بل تجربه ده. په مطالعه سره انسان د نورو د لیکل سوي علم څخه فایده حاصلولای سي او په تجربه سره انسان پر دې معلوماتو اضافه کولای سي. نو کوښښ وکړئ، مطالعه وکړئ، علم حاصل کړئ. ځکه محمدﷺ هم له الله جل جلاله څخه د علم د زیادت دعا غوښتې ده.

خو د علمي سطحي سره یوه فتنه تړلې ده، هغه فتنه غرور او تکبر دئ. کوم انسان چي ذهین وي، یا عالم وي؛ هغه بیا د نورو خلکو حق خبره هم نه اوري. نورو خلکو ته د حقارت په نظر ګوري. نو که چیری تاسو دا احساس وکړی، سمدستي له الله جل جلاله څخه معافي وغواړئ. توبه وکاږئ. فکر وکړئ، کوم علم او ذهن چي تاسو ته الله جل جلاله در کړی دئ، الله جل جلاله ئې درڅخه اخیستلای هم سي.

www.taleemulislam.net