د (نکاح) نورې ليکنې
تازه سرليکونه
بېلابېلې ليکنې
د طلاق وړتيا (څوک طلاق ورکولای سي؟)
د طلاق وركولو وړتيا او اهليت يوازي د ښځي مېړه لري ، هغه هم پدې شرط چي عاقل ، بالغ وي او د ويښي په حالت كي يې وركړي .
ليونى چي ښځي ته طلاق وركړي طلاق يې نه واقع كيږي ، همدا ډول د لېوني و ښځي ته بل څوك هم طلاق نسي وركولاى .
د نابالغه كوچني طلاق هم نه واقع كيږي او نه بل څوك د نابالغه كوچني و ښځي ته طلاق وركولاى سي .
دغه ډول ليونى او نابالغه كوچنى د نكاح د تړون وړتيا او اهليت هم نه لري .
د نابالغه او ليوني د نكاح اختيار په شريعت كي د هغه ولي ته وركول سوى دى .
څوک چي بيده وي نو د هغه طلاق هم نه واقع كيږي .
عاقل او بالغ چي بيده وي او د خوب په حالت كي و ږغيږي يعني خبري وكړي ، خپلي ښځي ته طلاق وركړي دا طلاق هم نه واقع كيږي ، ځكه بيده د خوب په حالت كي هم د ليوني او كوچني په شان معاف دى .
ماخذ: فقه المبتدي، دوهم ټوک- نکاح
تبصره
